Fana: At a Speed of Life!

የሲቪክ ማህበራት አሸባሪውን ትህነግ ለመመከት ዝግጁ ነን አሉ

አዲስ አበባ፣ ነሃሴ 6፣ 2013 (ኤፍ ቢ ሲ) የህወሃትን አሸባሪ ቡድን ለመመከት በሚደረገው ጥረት የበኩላችንን ሃላፊነት ለመወጣት ዝግጁ መሆናቸውን የተለያዩ የሲቪክ ማህበራት ገለፁ።

ማህበራቱ አሸባሪው የህወሃት የሽብር ቡድን በአፋር ክልል በሕጸናት፣ ሴቶችና አረጋውያን ላይ የፈፀመው ግድያ በፅኑ አውግዘዋል።

የኢትዮጵያ መምህራን ማህበር፣ የኢትዮጵያ ሴቶች ፌዴሬሽን እና የኢትዮጵያ ወጣቶች ፌዴሬሽን የጠቅላይ ሚኒስትር ጽህፈት ቤት አገርን የማዳን ያቀረበውን ጥሪ በመቀበል የበኩላቸውን ለመወጣት መዘጋጀታቸውን ገልፀዋል።

የኢትዮጵያ መምህራን ማህበር ፕሬዝዳንት ዶክተር ዮሐንስ በንቲ፥ በመላ አገሪቷ ያሉ መምህራን መንግስት ያቀረበውን አገር የማዳን ጥሪ ተቀብለው የአሸባሪውን ህወሃት አገር የማፍረስ ዓላማ እንደሚመክቱ አረጋግጠዋል።

አገር የማዳን ጥሪው የሁሉም ኢትዮጵያዊ የዜግነት ሃላፊነት በመሆኑ ተማሪዎች፣ መምህራን እና ሌሎችም በአንድነት በመቆም የበኩላቸውን አስተዋፅኦ ሊወጡ ይገባል ብለዋል።

መንግስት የወሰደውን የተናጠል ተኩስ አቁም አሸባሪ ቡድኑ አንደ መልካም አጋጣሚ በመውሰድ በዜጎች ላይ ጥቃት እየፈፀመ መሆኑን ገልጸዋል።

ቡድኑ በአፋር ክልል በህፃናት ላይ ያደረሰውን ዘግናኝ ጭፍጨፋ ዶክተ ዮሐንስ አውግዘዋል።

የሴቶች ፌዴሬሽን ፕሬዝዳንት ወይዘሮ አስካለ ለማ በበኩላቸው፥ የህወሃት አሸባሪ ቡድን ለ27 አመታት ኢትዮጵያን በሚያስተዳድርበት ወቅት በኢትዮጵያ ወጣቶች፣ ሴቶች እና ህዝቦች ላይ ግፍ ሲፈፅም እንደነበር ገልጸዋል።

የሽብር ቡድኑ አሁንም አገር የማፍረስ ዓላማ ይዞ እየሰራ መሆኑን ገልጸው በተባበረ ክንድ መመከት ይገባል ብለዋል።

ለአገር ሉአላዊነት በመዋጋት፣ ስንቅ በማዘጋጀት፣ ደም በመለገስ እና በሌሎችም ሴቶች የላቀ ተሳትፎ እያደረጉ መሆኑን ተናግረዋል።

ፕሬዝዳንቷ በንግግራቸው “ትናንት በአያት ቅደመ አያቶቻችን  በጠላት ያልተደፈረች አገር ዛሬ በአሸባሪ ቡደን እንዲትፈርስ አንፈቅደም” ብለዋል።

የኢትዮጵያ ወጣቶች ፌዴረሽን ምክትል ፕሬዝዳንት ወይዘሮ ፅገረዳ ዘውዱ፤ የአሸባሪው ውጊያ በጦር ሜዳ ብቻ የሚካሄድ ባለመሆኑ ወተለይ ወጣቶች በሁሉም መስክ ለመመከት ዝግጁ መሆናቸውን ተናግረዋል።

ህብረተሰቡ በማህበራዊ ሚዲያ በሚሰራጩ የሃሰተኛ መረጃዎች እንዳይደናገር ወጣቱ ትክክለኛ መረጃ በማድረስ የድርሻውን መወጣት አለበትማለታቸውን ኢዜአ ዘግቧል።

የህወሃት አሸባሪ ቡድን ኢትዮጵያን ለማፍረስ “ሲኦልም ቢሆን እንገባለን” በማለት ሌት ከቀን እየሰራ መሆኑ ይታወቃል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

 

You might also like

Leave A Reply

Your email address will not be published.