Fana: At a Speed of Life!

በታላቁ የህዳሴ ግድብ ቀጠና የተሰማራው ጀግናው የመከላከያ ሰራዊት የጁንታው ቅጥረኞችን እያሰሰ እየደመሰሰ ነው

አዲስ አበባ፣ ነሃሴ 6፣ 2013 (ኤፍ ቢ ሲ)በቀጠናው የተሰማራው የሃገር መከላከያ ሰራዊት የህወሀት ጁንታ ቅጥረኞችን በማሰስና በመደምሰስ ስኬታማ ግዳጆችን እየፈፀመ እንደሚገኝ የ22ኛ ክፍለ ጦር ዋና አዛዥና የመተከል የተቀናጀ ግብረ ሀይል ኮማንድ ፖስት የኦፕሬሽናል ዘርፍ አስተባባሪ ኮሎኔል ሰይፈ አንጌ አስታወቁ።

የህዳሴ ግድብ የሁለተኛ ዙር ሙሌት በስኬት መጠናቀቅ እረፍት የነሳቸው የውጭ ጠላቶችና የአሸባሪው የህወሀት ጁንታ ቅጥረኞች የአካባቢውን ሰላም ለማወክና የግንባታውን ሂደት ለማደናቀፍ ከማሰብ ተቆጥበው እንደማያውቁ ነው ዋና አዛዡ የገለፁት።

ሰራዊታችን ለአሸባሪዎችና ለተላላኪዎቻቸው ብቻ ሳይሆን በቀጠናው ሊፈጠር ለሚችል ለማንኛውም የውስጥና የውጭ ጠላት በፅናት እና በብቃት መመከት የሚያስችል የሰው ሀይልና የወታደራዊ ትጥቅ ዝግጁነት ያለው መሆኑን አረጋግጠዋል።

የሰራዊት አባላቱ በበኩላቸው÷ የኢትዮጲያ ህዝቦች አይን የሆነውን የዚህን ፕሮጀክት ደህንነት ለመጠበቅ ማንኛውንም መስዋእትነት ለመክፈል ዝግጁ መሆናቸውን ነው የገለፁት።

የኢትዮጲያ ታላቁ የህዳሴ ግድብ ቀጠናን ሰላም ለማረጋገጥ ከመከላከያ ክፍለጦሮች በተጨማሪ የክልሎች ልዩ ሀይሎች ግዳጃቸውን በፅናትና በጀግንነት በመፈፀም ላይ እንደሚገኙ ከመከላከያ ሰራዊት ያገኘነው መረጃ ያመለክታል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.