Fana: At a Speed of Life!

ለመከላከያ ሠራዊት ድጋፍ ለሚሰጡ የኪነጥበብ ባለሙያዎች ሽኝት እየተደረገ ነው

አዲስ አበባ፣ ነሃሴ 7፣ 2013 (ኤፍ ቢ ሲ) ለመከላከያ ሠራዊት ድጋፍ ለሚሰጡ የኪነጥበብ ባለሙያዎች በአዲስ አበባ ከተማ መስተዳድር ማዘጋጃ ቤት የሽኝት ሥነ-ሥርዓት እየተካሄደ ነው።
 
በሽኝት መርሃ ግብሩ የአዲስ አበባ ምክትል ከንቲባ ወ/ሮ አዳነች አቤቤ፣ የባህልና ቱሪዝም ሚኒስቴር ዴኤታ ወይዘሮ ብዙነሽ መሰረት እና ከፍተኛ የመንግስት የስራ ሃላፊዎች ተገኝተዋል።
 
የኪነ ጥበብ ባለሙያዎቹ በአዲስ አበባ ባህልና ቱሪዝም ቢሮ ከሚገኙ የትያትር ቤቶች የተውጣጡ መሆናቸው ተገልጿል፡፡
 
የአገር ፍቅር ትያትር ቤት ሥራ አስኪያጅ አርቲስት አብዱልከሪም ጀማል እንደገለጹት÷ሽኝት የሚደረግላቸው ባለሙያዎች በዘመቻ ሥፍራዎችና በማሰልጠኛ ተቋማት ለሚገኙ የመከላከያ ሠራዊት አባላት በኪነጥበባዊ ሥራዎች ድጋፍ የሚሰጡ የኪነጥበብ ባለሙያዎች ናቸው።
 
ባለሙያዎቹ በሚሄዱባቸው ሥፍራዎች ለመከላከያ ሠራዊቱ መነሳሳትን የሚፈጥሩ የሙዚቃ የትያትርና ሌሎች የኪነጥበብ ሥራዎችን ያቀርባሉ ብለዋል።
 
ወይዘሮ አዳነች ለዘማች የኪነ ጥበብ ባለሙያዎች ባስተላለፉት መልዕክት÷ ጀግኖቻችንን ልታጀግኑ የኢትዮጵያ አንድነት ልታበስሩ ስለመጣችሁ እና እንዘምታለን ስላላችሁ እናመሠግናለን ፤ በሄዳችሁበት ድል አድርጉ በድል ተመለሱ ብለዋል።
 
በመታገስ አየልኝ
You might also like

Leave A Reply

Your email address will not be published.