Fana: At a Speed of Life!

በትግራይ ክልል ዩኒቨርሲቲዎች የሚገኙና በ2013 ዓ.ም ትምህርታቸውን የሚጨርሱ ተማሪዎች የሚመረቁበትን  ሁኔታ ለማመቻቸት ይሰራል -ሚኒስቴሩ

አዲስ አበባ፣ ነሃሴ 7፣2013 (ኤፍ ቢ ሲ)  በትግራይ ክልል ዩኒቨርሲቲዎች የሚገኙና በ2013 ዓ.ም ትምህርታቸውን የሚጨርሱ እንዲሁም ያልተጠናቀቀ የትምህርት ተግባር ያላቸው ተማሪዎች  ትምህርታቸውን የሚያጠናቅቁበትንና የሚመረቁበትን ሁኔታ እንደሚያመቻች የሳይንስና ከፍተኛ ትምህርት ሚኒስቴር ገለፀ፡፡

ሚኒስቴሩ ትግራይ ክልል ከሚገኙ ዩኒቨርሲቲዎች 10 ሺህ 164 ተማሪዎችን ማጓጓዙን አስታውቋል።

ሚኒስቴሩ እንዳስታወቀው ተማሪዎቹን እስከ ነሃሴ 6 ባለው ጊዜ ከፌደራልና አፋር ክልል ፖሊስ ኮሚሽኖች እንዲሁም ከትራንስፖርት ማህበራት ጋር በመተባበር በሰመራ ዩኒቨርሲቲ በኩል እስከ ኮምቦልቻና አዲስአበባ ድረስ ማጓጓዝ ተችሏል፡፡

ተማሪዎች በፀጥታ ችግር ምክንያት በጉዞ የባከነባቸው የእረፍት ጊዜ እንደሚካካስላቸው የገለፀው ሚኒስቴሩ ተማሪዎች ክረምቱን በበጎፍቃድ ስራ እዲያሳልፉ አሳስቧል፡፡

አስፈላጊ መረጃዎችንም ከሚኒስቴሩ ድረገፅና ማህበራዊ  ትስስር ገፅ ማግኘት እንደሚችሉ ጠቁሟል።

የ2013 ዓም ይመረቁ የነበሩ ተማሪዎች እና ያልተጠናቀቀ የትምህርት ተግባር ያላቸው  ትምህርታቸውን የሚያጠናቅቁበትና የሚመረቁበትን ሁኔታ እንደሚያመቻች  ሚኒስቴሩ ማስታወቁን ኢዜአ ዘግቧል፡፡

የክረምት ተከታታይ ትምህርት ያላቸው እና በፀጥታ ችግር ወደቦታው መሄድ ያልቻሉ በቀጣይ በሚቀመጥ አቅጣጫ መሰረት ትምህርት የመከታተል እድል ይመቻቻል ብሏል፡፡

You might also like

Leave A Reply

Your email address will not be published.