Fana: At a Speed of Life!

በከተሞች የድንገተኛ እና ፅኑ ህሙማን ህክምና አገልግሎት ለማሻሻል እየተሰራ ነው-ዶክተር ሊያ ታደሰ

አዲስ አበባ፣ ነሃሴ 7፣ 2013 (ኤፍ ቢ ሲ) በከተሞች የድንገተኛ አደጋ እና ፅኑ ህሙማን ህክምና አገልግሎት በተቀናጀ መንገድ ለማሻሻልና ተደራሽ ለማድረግ እየተሰራ መሆኑን የጤና ሚኒስትሯ ዶክተር ሊያ ታደሰ ተናገሩ።

የድንገተኛ አደጋ እና እና ፅኑ ህሙማን ህክምና ማሻሻያ ፕሮግራም አፈጻጸመ የመጀመሪያው ዓመታዊ የግምገማ መድረክ  በባህር ዳር ከተማ እየተካሄደ ነው።

ሚነስትሯ በመድረኩ ባደረጉት ንግግር ፥ባለንበት ወቅት የኮሮና ወረርሽኝ፣ የወባ በሽታ፣ የትራፊክ አደጋን ጨምሮ ሌሎች አደጋዎችና በሽታዎች  በጤናው ዘርፍ ላይ ጫና እየፈጠሩ ነው ብለዋል።

ይህ ችግር በዘላቂነት ለማቃለል የተቀናጀና የተደራጀ የጤና አገልግሎትን በማሻሻል  ተደራሽ ለማድረግ በትኩረት እየተሰራ መሆኑን ተናግረዋል።

ለዚህም ከባለፈው ዓመት ጀምሮ በባህር ዳር፣ ጅማ፣ ሃዋሳና  ሐረር ከተሞች የድንገተኛ አደጋና ፅኑ ህሙማን ህክምና ፕሮግራም እየተካሄደ  ይገኛል ብለዋል።

በፕሮግራሙ የአገልግሎት መሻሻሎች መታየታቸውን ጠቅሰው፥ መስተካከል ያለባቸው ጉድለቶች መለየታቸውንም አስረድተዋል።

በመድረኩ ፕሮግራሙ የተተገበረባቸው ከተሞችን ልምድና ተሞክሮ በመውሰድም በተያዘው የበጀት ዓመት ፕሮግራሙን ወደ ስምንት ከተሞች ለማስፋፋት እንደሚሰራም ዶክተር ሊያ ገልጸዋል።

ከፌደራል ፣ክልሎች፣ ዩኒቨርሲቲዎችና ሌሎች ባለድርሻ አካላት በመድረኩ እየተሳተፉ ሲሆን የከተሞች አፈፃፀም ግምገማ እንደሚካሄድና  ቀጣይ አቅጣጫ እንደሚቀመጥ ይጠበቃል ሲል ኢዜአ ዘግቧል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.