Fana: At a Speed of Life!

የሕክምና ባለሙያዎች ለሕልውና ዘመቻው ድጋፍ ለመስጠት አማራ ክልል ገቡ

አዲስ አበባ፣ ነሃሴ 7፣2013 (ኤፍ ቢ ሲ) የጅማ ዩኒቨርሲቲ ስፔሻላይዝድ ሆስፒታል የሕክምና ባለሙያዎች ቡድን በሕልውና ዘመቻው የሕክምና ድጋፍ ለመስጠት አማራ ክልል መግባታቸው ተገለፀ፡፡
ሀገራዊ ጥሪውን የተቀበሉ 11 የጤና ባለሙያዎች በሙያቸው ድጋፍ ለማድረግ የሰው ሕይወት ለመታደግ መዘጋጀታቸውን ገልጸዋል፡፡
የህክምና ቡድኑ አባላት ሰብዓዊነት የሁልጊዜ ተግባራችን ቢኾንም በሕልውና ዘመቻው መሳተፍ የተለየ ስሜት አለው ብለዋል፡፡
ግንባር ከተሰማሩ ሌሎች የጤና ባለሙያዎች ጋር በመኾን ሀገራዊ ኀላፊነታችንን እንወጣለን ያሉት የሕክምና ባለሙያዎቹ ለዘመቻው ስኬት መስዋእትነት ለመክፈል ያላቸውን ዝግጁነትም ጠቅሰዋል፡፡
አያይዘውም ሀገር ችግር ውስጥ በምትኾንበት ጊዜ ማንኛውም ዜጋ በሙያውና በሚችለው አግባብ ሀገሩን ሊታደግ እንደሚገባ ገልጸዋል፡፡
ማንኛውም የኅብረተሰብ ክፍል ባለው አቅም ሀገራዊ ኀላፊነቱን እንዲወጣም ጠይቀዋል፡፡
የጅማ ዩኒቨርሲቲ ፕሬዝዳንት ዶክተር ጀማል አባፊጣ ፥ለቀረበው ሀገራዊ ጥሪ ፈጣን ምላሽ በመስጠት በሙያቸው ለማገልገል ለወሰኑት የመጀመሪያ ዙር የሕክምና ዘማች ቡድን ምስጋና አቅርበዋል፡፡
የጤና ባለሙያዎቹ ያሳዩት ቆራጥነትና ጀግንነት የሚያኮራና ታሪክ የሚዘክረው እንደኾነም ተናግረዋል፡፡
በህልውና ዘመቻው አካባቢ ያሉ ሆስፒታሎችን ለማገዝ በሌሎች ዙሮች የሚዘምቱ ተጨማሪ ባለሙያዎችን በመመልመል ተከታታይ ድጋፍ ለማድረግ እየተሠራ እንደኾነም ፕሬዝዳንቱ መግለጻቸውን አሚኮ ዘግቧል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.