Fana: At a Speed of Life!

የቅድመ ህክምና እርዳታ በሚል የተፃፈ መፅሐፍ ተመርቆ ለንባብ በቃ

አዲስ አበባ ፣ ነሐሴ 8 ፣ 2013 (ኤፍ ቢ ሲ) የቅድመ ህክምና እርዳታ በሚል የተፃፈ መፅሐፍ ተመርቆ ለንባብ በቃ።

በየትኛውም ቦታና ሁኔታ ውስጥ ሊያጋጥ በሚችሉ የድንገተኛ አደጋዎችን ተጎጂዎችን የህክምና ተቋማት  እስኪደርሱ የህክምና እርዳታ መስጠት በሚያስችል መልኩ የተዘጋጀና “የቅድመ ህክምና እርዳታ” እና “ገርጋርሳ ያለ ዱራ” በሚል የተፃፈ መፅሐፍት በሀረር ከተማ ተመርቆ  ለንባብ በቅቷል።

መፅሐፉን ያዘጋጁት በሐረማያ ዩኒቨርስቲ  ጤናና ህክምና ሳይንስ ኮሌጅ የድንገተኛና የፅኑ ህሙማን ስፔሻሊስት ሐኪም የሆኑት ተባባሪ ፕሮፌሰር ዶክተር ናታን ሙሉ ብርሃን ናቸው።

በአማርኛና በአፋን ኦሮሞ ቋንቋዎች የተፃፈው መፅሐፍ፥ ሰዎች የድንገተኛ አደጋ አጋጥሞቸው የህክምና ተቋም እስኪደርሱ ባለው ጊዜ ውስጥ ህይወታቸውን ሳያጡ በአቅራቢያቸው በሚገኙ ሰዎች የመጀመሪያ ህክምና እርዳታ እንዲያደርጉላቸው በሚያስችል መልኩ በቀላሉና ገላጭ ስዕሎች ተካተውበት የተዘጋጀ መሆኑን  ዶክተር ናታን ገልጸዋል።

በተጨማሪም  ከሚደርሰው አደጋ ባልተናነሰ ተጎጂዎችን ለመርዳት በሚደረገው ጥረት የሚያጋጥም የከፋ ጉዳት ከመፅሐፉ በሚወሰድ ግንዛቤ ማስቀረት እንደሚቻል በምረቃ ስነስርዓቱ ወቅት ተገልጿል።

በመፅሐፍ ምርቃ ስነስርዓት ላይ በሐረማያ ዩኒቨርስቲ የጤናና ህክምና ሳይንስ ኮሌጅ ቺፍ ኤክሲኪዩቲቭ ዶክተር ያደታ ደሴ፥ መጽሃፉ ጥራት ያለው የድንገተኛ ህክምና አገልግሎት መስጠት በሚያስችል መልኩ አንባቢው በቀላሉ በሚረዳው መልኩ የተዘጋጀ መሆኑን ገልፀዋል።

የድንገተኛ አደጋዎች ሲያጋጥሙ ተገቢው የህክምና እርዳታ የሚሰጣቸው ከሆነ ሃምሳ በመቶ የሞት አደጋን ማስቀረት እንደሚቻል በዚሁ ወቅት ተገልጿል።

መፅሐፉ በቀጣይም በሀረሪና በሶማሌኛ ቋንቋ ለአንባብያን ለማድረስ ዝግጅቱ መጠናቀቁም ነው የተገለጸው ።

በተሾመ ኃይሉ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

 

You might also like

Leave A Reply

Your email address will not be published.