Fana: At a Speed of Life!

ሕዝቡ ለቀረበለት የክተት ጥሪ የሰጠው ምላሽ የሚያኮራ ነው – አቶ አገኘሁ ተሻገር

አዲስ አበባ፣ ነሐሴ 10፣ 2013 (ኤፍ ቢ ሲ) ሀገር የማፍረስ ዓላማውን ለመፈጸም ወረራ እያካሄደ ያለውን የትህነግ አሸባሪ ቡድን ለመደምሰስ ሕዝቡ ለቀረበለት የክተት ጥሪ የሰጠው ምላሽ የሚያኮራ መሆኑን የአማራ ክልል ርዕሰ መስተዳደር አቶ አገኘሁ ተሻገር አስታወቁ።

ርዕሰ መስተዳደሩ ዛሬ በሰጡት መግለጫ የውጭና ውስጥ ሃይሎች ጋር በማበር ሕጻናትን ጭምር ለጦርነት እየማገደ የሚገኘው አሸባሪው የትህነግ ቡድን ከፍተኛ ኪሳራ እየደረሰበት መሆኑን ገልጸዋል ።

የክልሉን ሕዝብ ለማዋረድና አንገት ለማስደፋት ሀብት እየዘረፈና ሌሎች ኢሰብዓዊ ወንጀሎችን እየፈጸመ በሚገኘው በወራሪው የሽብር ቡድን ላይ ህዝቡ ፣ ሰራዊቱና የፀጥታ ሃይሉ በሰጡት አፀፋዊ ምላሽ ከፍተኛ ኪሳራ እየደረሰበት መሆኑን አብራርተዋል።

ለህልውና ዘመቻው ከመደበኛ ሠራዊት በተጨማሪ ወጣቶች፣ ፋኖዎች፣ ተመላሽ የመከላከያ ሠራዊት አባላትና መላው የአማራ ሕዝብ ፣ በአጠቃላይ ኢትዮጵያውያን ላደረጉትና እያደረጉ ላሉት ልዩ ልዩ ድጋፍ ርዕሰ መስተዳደሩ ምስጋና አቅርበዋል።

የአማራን ሕዝብ ለማዋረድና ኢትዮጵያን ለማፈራረስ የመጣውን የትህነግ ወራሪ ሃይል እስከ መጨረሻው ለመደምሰስ የጀመረውን የህልውና ዘመቻና ልዩ ል ድጋፍ ህዝቡ አጠናክሮ እንዲቀጥል ርዕሰ መስተዳድሩ ጥሪ ማቅረባቸውንም ከአሚኮ ያገኘነው መረጃ ያመለክታል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.