Fana: At a Speed of Life!

ኢዜማ ዜጎች የኢትዮጵያን ህልውና ለማስከበር በጋራ እንዲቆሙ ጥሪ አቀረበ

አዲስ አበባ፣ ነሐሴ 10፣ 2013 (ኤፍ ቢ ሲ) የኢትዮጵያን ህልውና ለማስከበር ዜጎች በጋራ እንዲቆሙ የኢትዮጵያ ዜጎች ለማኅበራዊ ፍትሕ (ኢዜማ) ጥሪ አቀረበ።

ኢዜማ በወቅታዊ ሀገራዊ ጉዳይ ላይ በዛሬው እለት መግለጫ ሰጥቷል።

የፓርቲው ዋና ጸኃፊ አቶ አበበ አካሉ በመግለጫቸው የኢትዮጵያን ህልውና ለማስከበር ዜጎች በጋራ እንዲቆሙ ጠይቀው ፓርቲው ለሀገር ህልውና ዘመቻው አስፈላጊውን ድጋፍ ያደርጋል ብለዋል።

ኢዜማ አሸባሪው የሕወሓት ቡድን በኢትዮጵያውያን ላይ እያደረሰ ያለውን ከፍተኛ ጉዳት እና የደቀነው የሀገር ህልውና አደጋ ለመመከት ከሕዝብ እና ከመንግሥት ጎን ይቆማል ሲሉ አረጋግጠዋል።

መንግሥትም በአሸባሪው ሕወሓት እና ሸኔ ላይ የማያዳግም እርምጃ በመውሰድ የኢትዮጵያን ህልውና ማስጠበቅ ይኖርበታል፤ ህዝብንም ከስጋት መታደግ አለበት ብለዋል።

አሸባሪው ህወሓት በፈጠረው ችግር ለተፈናቀሉ ወገኖች ድጋፍ የሚውል 250 ሺህ ብር ለቀይ መስቀል እንደሚያስረክብ መገለጹን ከኢዜማ ያገኘነው መረጃ ያመለክታል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.