Fana: At a Speed of Life!

በሶማሌ ክልል ሁከትና ግጭት ለማስነሳት የተደረገ ሙከራ መክሸፉን የክልሉ ፖሊስ አስታወቀ

አዲስ አበባ፣ ነሐሴ 10፣ 2013 (ኤፍ ቢ ሲ) በሶማሌ ክልል ሁከትና ግጭት ለማስነሳት የተደረገ ሙከራ መክሸፉን የክልሉ ፖሊስ ኮሚሽን ገለፀ፡፡
 
የመጣውን ለውጥ ተከትሎ ጥቅማቸው የቀረባቸው ሀይሎች ከአሸባሪው ህወሓት ጋር ኔትወርክ በመፍጠር በሶማሌ ክልል ሁከትና ግጭት ለማስነሳት ያደረጉት ሙከራ በህብረተሰቡ እና በፀጥታ አካል የጋራ ጥምረት እንዲከሽፍ መደረጉን የሶማሌ ክልል ፖሊስ ኮሚሽን አስታውቋል፡፡
 
አሸባሪው ህወሓት በስልጣን በነበረበት ጊዜ የሶማሌ ክልል ሕዝብን አብረውት ሲዘርፉና ሲያዛርፉ የነበሩና ለውጥ ከመጣ በኋላ ከስልጣን የተወገዱ የቀድሞ አስተዳደር ርዝራዦች ከአሸባሪው ህወሓት ጋር ግንኙነት መፍጠራቸውን ፖሊስ አስታውሷል፡፡
 
እነዚህ ግለሰቦችም ከህወሓት ተልእኮ በመቀበል በክልሉ የሃይማኖት እና የጎሳ ግጭት በመፍጠር የከተማ ውስጥ አመፅ ለማቀጣጠል ማሰባቸውን ነው የክልሉ ፖሊስ የገለጸው፡፡
 
ከዚህም በተጨማሪ በሶማሌና በኦሮሞ መካከል ግጭት እንዲነሳ ለማድረግ እንቅስቃሴ ሲያደርጉ እንደነበርም ፖሊስ ገልጿል፡፡
 
ይሁን እንጂ ይህ ሙከራቸው በህብረተሰቡ እና በፀጥታ አካል የጋራ ጥምረት እንዲከሽፍ መደረጉን ከሶማሌ ክልል ፖሊስ ኮሚሽን ያገኘነው መረጃ ያመላክታል፡፡
You might also like

Leave A Reply

Your email address will not be published.