Fana: At a Speed of Life!

የድሬዳዋ ትምህርት ቢሮ የግል ትምህርት ቤቶች ምንም አይነት ምዝገባ እንዳያደርጉ ውሳኔ አሳለፈ

አዲስ አበባ ፣ ነሐሴ 10፣ 2013 (ኤፍ ቢ ሲ) የግል ትምህርት ቤቶች በወርሃዊ ክፍያ ላይ አላግባብ ጭማሪ ማድረጋቸውን ተከትሎ ምንም አይነት ምዝገባ እንዳያደርጉ ውሳኔ ማሳለፉን የድሬዳዋ ትምህርት ቢሮ አስታውቋል።

በአስተዳደሩ ልጆቻቸውን በግል ትምህርት ቤቶች የሚያስተምሩ ወላጆች በተደጋጋሚ በወርሃዊ ክፍያ ላይ የሚያደረገው ጭማሪ የኑሮ ውድነቱን ያላገናዘበ ነው ብለዋል።

የኑሮ ውድነት፣ የመምህራን ደመወዝና አንዳንድ የትምህርት ግብአቶች ዋጋ መናር በትምህርት ቤቶቹ ለወርሃዊ ክፍያው መጨመር እንደምክንያት ይቀርባል።

ወላጆች በበኩላቸው ውሳኔው እነሱን ሳያማክሩ የሚያደርጉት መሆኑን ገልፀዋል።

የአስተዳደሩ ትምህርት ቢሮ በበኩሉ የግል ትምህርት ቤቶቹ ከወላጆች ጋር ሳይመካከሩ የዋጋ ጭማሪ እዳያደርጉ በተደጋጋሚ ደብዳቤ ቢፅፍላቸውም ትዕዛዙን እዳልተቀበሉ ተናግሯል።

በቢሮው የትምህርት ጥራት ዳይሬክቶሬት ዳይሬክተር አቶ አብዱልፈታ መሀመድ በከተማዋ እስከ መቶ በመቶ ጭማሪ ያደረጉ የግል ትምህርት ቤቶች መኖራቸውን ገልፀው÷ እነዚህ አካላትን ወደ መስመር ለመመለስ ቢሮው ኮሚቴ በማቋቋም እየተንቀሳቀሰ እንደሚገኝ አብራርተዋል።

ኮሚቴው በወርሃዊ የልጆች ትምህርት ቤት ክፍያ ላይ ጥናት በማድረግ ለአስተዳደሩ ካቢኔ ማቅረቡን የተናገሩት አቶ አብዱልፈታ መሀመድ በጉዳዩ ላይ የበላይ አካላት ውሳኔ እየተጠባበቀ እንደሚገኝ አስታውቀዋል።

በእዮናዳብ አንዱዓለም

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.