Fana: At a Speed of Life!

የመስቀል አደባባይ የመኪና ማቆሚያ አገልግሎት መስጠት ጀመረ

አዲስ አበባ፣ ነሐሴ 10፣ 2013 (ኤፍ ቢ ሲ) የመስቀል አደባባይ ፕሮጀክት አካል የሆነው የመኪና ማቆሚያ የ24 ሠዓት አገልግሎት መስጠት መጀመሩን የኤግዚቪሽን ማዕከልና የገበያ ልማት ድርጅት አስታወቀ።
 
በአዲስ አበባ አስተዳደር ከ2 ነጥብ 5 ቢሊየን ብር በላይ ወጪ የሆነበት የመስቀል አደባባይ ፕሮጀክት ግንባታ ባለፈው ሰኔ ወር ተጠናቆ ለምረቃ በቅቷል።
 
ፕሮጀክቱ ቀድሞ የነበረውን ይዘት ሳይቀይር ሁለት ግንባታዎች ማለትም የመኪና ማቆሚያ እንዲሁም አደባባዩን እና ጎዳናዎችን የማስዋብ ሥራ ተከናውኖለታል።
 
ይህ 1 ሺህ 400 ያህል ተሽከርካሪዎችን ማስተናገድ የሚችለው የመኪና ማቆሚያ የ24 ሠዓት አገልግሎት መስጠት መጀመሩን የድርጅቱ ዋና ስራ አስፈጻሚ አቶ ጥላሁን ታደሰ ገልጸዋል።
በመኪና ማቆሚያው ሁሉም የኅብረተሰብ ክፍል መገልገል እንደሚችልም አስታውቀዋል።
 
የንግዱ ማኅበረሰብ ከመኪና ማቆሚያው በተጨማሪ የዲጂታል ማስታወቂያ መጠቀሚያዎችን መገልገል እንደሚችልም ጠቁመዋል።
 
ሐይማኖታዊና ሕዝባዊ በዓላት፣ የሙዚቃ ድግሶች፣ ሌሎች ማኅበራዊ ሁነቶችና ትርዒቶችን በስፍራው በማዘጋጀት ንግድና ኢንቨስትመንቱን የማሳለጥ ስራው ይጠናከራል ብለዋል አቶ ጥላሁን።
የኤግዚቪሽን ማዕከሉን ለማዘመን፣ ለማልማትና ዓለም አቀፍ ደረጃውን የጠበቀ አገልግሎት መስጠት እንዲችል ለማድረግ በመንግስት ደረጃ ጥናት እየተካሄደ ነው ብለዋል።
በማዕከሉ ከሚዘጋጁ ሃገር አቀፍና ዓለም አቀፍ ኤክስፖዎችና ሌሎች የገቢ ማስገኛ አገልግሎቶች በ2014 በጀት ዓመት እስከ 170 ሚሊየን ብር ገቢ ለማግኘት መታቀዱንም ኢዜአ ዘግቧል።
 
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.