Fana: At a Speed of Life!

የተለያዩ ተቋማት ሠራተኞች ለሕልውና ዘመቻው ድጋፋቸውን እንደሚያጠናክሩ ገለጹ

አዲስ አበባ፣ ነሐሴ 10፣ 2013 (ኤፍ ቢ ሲ) የተለያዩ ተቋማት ሠራተኞች ለሕልውና ዘመቻው የሚያደርጉትን ድጋፍ አጠናክረው እንደሚቀጥሉ አስታወቁ።
የከፍተኛ ትምህርት አግባብነትና ጥራት ኤጀንሲ አመራሮችና ሰራተኞች የአንድ ወር ደመወዛቸውን ለሀገር መከላከያ ሰራዊት ለመስጠት ቃል ገብተዋል፡፡
 
የከፍተኛ ትምህርት አግባብነትና ጥራት ኤጀንሲ ከፍተኛ አመራሮች፣ የስራ ክፍል ኃላፊዎችና ሰራተኞች ዛሬ ባካሄዱት ውይይት ነው የአንድ ወር ደሞዛቸውን ለመስጠት ቃል የገቡት፡፡
 
በተያያዘም የኢትዮጵያን ሕልውና የማስጠበቅ ዘመቻው በድል እንዲጠናቀቅ ለመከላከያ ሠራዊት የምናደርገውን ድጋፍ እንቀጥላለን ሲሉ የፌዴራል የከተሞች ሥራ ዕድል ፈጠራና የምግብ ዋስትና ኤጀንሲ ሠራተኞች ገልጸዋል።
 
የኤጀንሲው ሠራተኞችና በሥሩ የሚገኙ ፕሮጀክቶች ባለሙያዎች የአንድ ወር ደመወዛቸውን ከ4 ነጥብ 7 ሚሊየን ብር በላይ ለሠራዊቱ አበርክተዋል።
 
ሠራተኞቹ በተጨማሪም በዛሬው ዕለት ደም የለገሱ ሲሆን በጦርነቱ ለተፈናቀሉ ዜጎችም የተለያዩ አልባሳትን አሰባስበው አስረክበዋል።
 
የመከላከያ ሠራዊት የበጀትና ፕሮግራም ዳይሬክተር ብርጋዴር ጄኔራል አብዱሰላም ኢብራሂም ድጋፉን ከኤጀንሲው ዋና ዳይሬክተር ከአቶ ገብረመስቀል ጫላ ተረክበዋል።
 
ከኤጀንሲው ሠራተኞች በተጨማሪ የሴቶች ኢንተርፕሪነርሺፕ እና የኢንተርፕሪነሮች ማበልፀጊያ ፕሮጀክት ተጠቃሚዎች ድጋፍ አድርገናል ብለዋል ።
 
የኤጀንሲው አመራሮችና ሠራተኞች ይህን በመረዳት ካላቸው ላይ ቀንሰው ለአገር ሉዓላዊነት እየተዋደቀ ላለው ሠራዊት ላደረጉት ድጋፍ ማመስገናቸውን የኢዜአ ዘገባ ያመለክታል።
 
 
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.