Fana: At a Speed of Life!

ህወሓትም ሆነ ኦነግ ሸኔ የሀገርን ሰላምና ደህንነት አደጋ ላይ እንዳይጥሉ በቁርጠኝነት እየተሰራ ነው -አቶ ደስታ ሌዳሞ

አዲስ አበባ፣ ነሐሴ 10፣ 2013 (ኤፍ ቢ ሲ) ህወሓትም ሆነ ኦነግ ሸኔ የሀገርን ሰላምና ደህንነት አደጋ ላይ እንዳይጥሉ የሲዳማ ህዝብና መንግስት በቁርጠኝነት እየሰሩ መሆኑን የሲዳማ ክልላዊ መንግስት ርዕሰ መስተዳድር አቶ ደስታ ሌዳሞ ገለጹ፡፡

አቶ ደስታ ሌዳሞ በወቅታዊ ጉዳዮች ዙሪያ ከጋዜጠኞች ጋር ቆይታ ÷ የኢትዮጵያ የቀደመ ሰላሟን ከእጇ እስከምታስገባ ድረስ የሲዳማ ህዝብ እንቅልፍ የለውም ብለዋል ።

ህወሓት ኢትዮጵያ ላይ የደቀነውን የህልውና አደጋ ለመከላከልና ሀገርን ጽኑ መሰረት ላይ ለማቆም በሚደረገው ጥረት የሲዳማ ህዝብና መንግስት ከሌሎች ወንድም ህዝቦች ጋር እየሰራ መሆኑን ያነሱት ምክትል ርዕሰ መስተዳድሩ÷ በሀገር መደፈር የተቆጨው ህዝብም ሁለንተናዊ ድጋፍ እያደረገ መሆኑን አንስተዋል።

በርካታ ሚሊየን ብር የሚገመት የገንዘብና የቁሳቁስ ድጋፍ ህብረተሰቡ ያደረገ ሲሆን የክልሉ ልዩ ሀይልም በግንባር ጁንታውንና ተላላኪዎቹን በመፋለም የሀገር አለኝታ መሆኑን አረጋግጠዋል ብለዋል አቶ ደስታ።

በአሁን ወቅት ከ4 ሺህ የሚበልጡ የሲዳማ ክልል ወጣቶች ጀግናውን የመከላከያ ሰራዊት በመቀላቀል ስልጠና እየወሰዱ መሆኑን ያነሱት አቶ ደስታ ይህ ሃገራዊ ተሳትፎ ተጠናክሮ ይቀጥላል በማለትም አረጋግጠዋል።

ጁንታውንና ተላላኪዎችን ተስፋ የሚያስቆርጥና ከአማራና ከአፋር ህዝቦች ጎን የሲዳማ ህዝብ መቆሙን የሚያሳይ ታላቅ ሰላማዊ ሰልፍ በመጭው አርብ ነሃሴ 14 ቀን 2013 ዓ.ም በሀዋሳ ከተማ ለማድረግም ቀጠሮ መያዙን ደሬቴድ ዘግቧል፡፡

በማወቅም ሆነ ባለዋቅ የጥፋት ሀይሎች አጀንዳን የሚያራምዱ አካላትም ከድርጊታቸው እንዲቆጠቡ ያስጠነቀቁት ምክትል ርዕሰ መስተዳድሩ ህብረተሰቡም እራሱን ከሀሰት ዜናዎችና መረጃዎች በመጠበቅ ለሀገር አንድነትና ሰላም በጋራ እንዲቆም ጥሪ አቅርበዋል።

 

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.