Fana: At a Speed of Life!

ወጣቱ በአጥፊዎች በሚሰራጩ አጀንዳዎች ሳይረበሽ ሀገሩን መታደግ አለበት – የመተከል ዞን ኮማንድ ፖስት

አዲስ አበባ፣ ነሐሴ 10፣ 2013 (ኤፍ ቢ ሲ) የመተከል ዞን ኮማንድ ፖስት አባላት በወቅታዊ ሀገራዊና ጉዳዮች በቀጠናው ሰላም ዙሪያ ከግልገል በለስ ከተማ የጉሙዝ ወጣቶች ጋር ተወያይተዋል።
ቀጠናው የልማት ኮሪደር በመሆኑ ዜጎች የልማት እና የኢኮኖሚ ተጠቃሚ እንዳይሆኑ ማንነትን መሰረት ያደረገ መከፋፈልን እየነዛ ከሚገኘው የአሸባሪው የህወሓት አጀንዳ በመራቅ ለሀገር ዘብ መቆም እንደሚገባ የመተከል ዞን ዋና አስተዳዳሪ ገልፀዋል፡፡
አሸባሪ ቡድኑ የራሱን ፍላጎት ለማስቀጠል የፈጠራቸውን አጥፊ ቡድን በጋራ በመታገል በስጋት ከቀያቸው ተፈናቅለው ወደ ጫካ የገቡ ወገኖችን በመመለስ ረገድ ወጣቱ የበኩሉን ድርሻ መወጣት እንዳለበትም ነው የተናገሩት፡፡
”እኔ ከሞትኩ ሰርዶ አይብቀል” አስተሳሰብን ይዞ ኢትዮጵያን ለማፈራረስ በየአቅጣጫው አጥፊ ሃይሎችን በመፍጠርና በማሰማራት እየተንቀሳቀሰ ያለውን የህወሓት ሴራ እስከመጨረሻው ለማጥፋት ሰራዊቱ አስፈላጊውን እርምጃ እየወሰደ መሆኑን የ7ኛ ሜካናይዝድ ጦር ዋና አዛዥ ኮሎኔል በስፋት ፈንቴ ገልፀዋል፡፡
በህብረተሰቡ በኩል የሚረጩትን የሃሰት አጀንዳዎች በመረዳት ወጣቱ መታገል እንዳለበትም አሳስበዋል።
ወጣቶች በበኩላቸው በአንዳንድ ግለሰቦች አማካኝነት የሚስተዋሉ አንድነትን የሚሸረሽሩ አጀንዳ አራማጆች ላይ መንግስት ህጋዊ እርምጃ መውሰድ እንዳለበት ገልፀው የሀገርን ህልውና ለማስጠበቅ በሚደረገው ርብርብ ለመሳተፍ ዝግጁ መሆናቸውን ተናግረዋል።
በየደረጃው በሚገኘው የሚሊሻ አደረጃጀት ውስጥ በመካተት አካባቢውን እያወከ የሚገኘውን ተልዕኮ ፈጻሚ አካል እንደሚታገሉም መግለጻቸውን ከመተከል ዞን ኮሙዩኒኬሽን መምሪያ ያገኘነው መረጃ ያመለክታል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.