Fana: At a Speed of Life!

አሸባሪው ቡድን የሃይማኖት ተቋማትን ኢላማ በማድረግ የሚያካሂደውን ጥቃት የሃይማኖት መሪዎች አወገዙ

አዲስ አበባ ፣ ነሐሴ 11 ፣ 2013 (ኤፍ ቢ ሲ) አሸባሪው የህወሓት ቡድን የሃይማኖት ተቋማትን ኢላማ በማድረግ የሚያካሂደውን ጥቃት የደቡብ ወሎ የሃይማኖት መሪዎች አውግዘዋል፡፡

የሃይማኖት መሪዎቹ የጥፋት ቡድኑን አካሄድ ለመመከት በሚያስችሉ ሁኔታዎች ላይ ተወያይተዋል።

አሸባሪው ቡድን ሰርጎ በገባባቸው አካባቢዎች ከሃይማኖትና ሰዋዊነት የሚቃረኑ የሽብር ተግባራትን መፈፀሙ የተነሳ ሲሆን÷ የሀይማኖት ተቋማትን ኢላማ በማድረግ የሚያካሂደውን ጥቃትም የሃይማኖቱ መሪዎቹ አውግዘዋል።

አሸባሪው ትህነግ በሀገርና በህልውና ላይ የጋረጠውን አደጋ ለመመከት ያለሃይማኖትና ያለብሔር ልዩነት ሁሉም ሊነሳ ይገባልም ተብሏል።

ወጣቱ ለዘላለማዊ ባርነት እንዳይዳረግ ሀገር እንዳትፈርስ በመደራጀት፣ ሰራዊቱን በመቀላቀል ወታደራዊ ስልጠና በመውሰድ የተከፈተውን ጥቃት መመከት እንዳለበትም የሃይማኖት መሪዎቹ ጥሪ አቅርበዋል።

የአማራ ክልል ርዕሰ መስተዳደር አማካሪ አቶ ዓለሙ ጀንበሬ ትህነግ ሰርጎ በገባባቸው አካባቢዎች ሰብዓዊ፣ ቁሳዊና ስነልቦናዊ ጥቃት ማድረሱን ጠቅሰው÷በክልሉ በአሸባሪው ቡድን ጥቃት ሳቢያ 500 ሺህ የሚደርሱ ዜጎች መፈናቀላቸውን ተናግረዋል።

የጥፋት ቡድኑ በገዳማት የሚገኙ የሃይማኖት አባቶችን ሳይቀር መረሸኑን ነው የተናገሩት።

የሃይማኖት ተቋማትን እንደምሽግ በመጠቀም ጉዳት አንዲደርስባቸው አድርገዋል ሲሉም አቶ ዓለሙ አስረድተዋል።

ይህንን መመከት የህልውና ጉዳይ በመሆኑ ከወራሪው ከፋሽስት ጣሊያን የከፋ ድርጊት የፈፀመውን ትህነግ ማስወገድ ያስፈልጋል ነው ያሉት።

በዚህም በክፋት ተፀንሶ በጥፋት የተወለደውን አሸባሪ ቡድን የጥፋት አካሄድ ለመመከት ሁሉም ሀላፊነቱን እንዲወጣ ጥሪ አቅርበዋል።

በአፈወርቅ እያዩ እና ለይኩን ዓለም

ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.