Fana: At a Speed of Life!

ሰርገው በመግባት ለአሸባሪው ቡድን ሲሰሩ የነበሩ ግለሰቦች በቁጥጥር ስር እየዋሉ ነው – የደቡብ ወሎ ዞን አስተዳደር

አዲስ አበባ ፣ ነሐሴ 11 ፣ 2013 (ኤፍ ቢ ሲ)ሰርገው በመግባት ለአሸባሪው ቡድን ሲሰሩ የነበሩ ግለሰቦች በቁጥጥር ስር እየዋሉ መሆናቸውን የደቡብ ወሎ ዞን አስተዳደር አስታወቀ።

በዞኑ የተለያዩ አካባቢዎች በቁጥጥር ስር የዋሉ ግለለሰቦች ተፈናቃዮችን በመመሳሰል፣ አካል ጉዳተኛ በመምሰል ለጠላት መረጃ ሲያቃብሉ የነበሩ ናቸው።

የዞኑ የሰላምና የህዝብ ደህንነት ጉዳዮች መምሪያ ሃላፊ አቶ አሊ ይማም፥ ለጁንታው በገንዘብ በመደለልና ባለማወቅ ለእኩይ ድርጊቱ የሚተባበሩ ከድርጊታቸው እንዲታቀቡ አስጠንቅቀዋል።

ህዝቡ፣ ወጣቶችም ከፀጥታ ሀይሉ ጋር መዋቅሮችን በመዘርጋት እየሰሩት ያለው ስራ ፍሬ እያፈራ ነው ብለዋል።

የደቡብ ወሎ ዞን አስተዳዳሪ አቶ ሰዒድ መሀመድ፥ የህልዉና ዘመቻዉን በድል ለመወጣት አራት ግብረ ሃይሎች ተቋቁመዉ ወደ ስራ መገባቱን ገልጸዋል።

ማህበረሰቡ ለአሉባልታ መረጃዎች እንዳይጋለጥ በየጊዜዉ ትክክለኛ መረጃ የመስጠት ስራ እየተሰራ መሆኑን አመላክተዋል።

ለጸጥታ ሃይሉ ደጀን በመሆንና የተለያዩ ምግብ ነክ ቁሳቁሶች በዞኑ በሁሉም ወረዳዎች እየተዘጋጁ መሆኑን ያነሱት ዋና አስተዳዳሪው፥ ማህበረሰቡ እያሳየዉ ያለዉ ተሳትፎ የሚደነቅ እንደሆነ ተናግረዋል፡፡

በተጨማሪም በአሁኑ ወቅት በርካታ ቁጥር ያለዉ ወጣት በሁሉም የዞኑ ቀበሌዎች መሰረታዊ የዉትድርና ሳይንስ ስልጠና ወስዶ አካባቢን ወደመጠበቅ ስራም ገብቷልም ነው ያሉት፡፡

ከዚያም ባለፈ በዞኑ ሰባት ኬላዎችን በማቋቋም የተጠናከረ ጥበቃ እየተደረገ ሲሆን፥ ሚሊሻ፣ ልዩ ሃይልና መከላከያ ተግባሩን በቅንጅት እየከወኑ መሆኑም ተናግረዋል፡፡

በዚህም የጥፋት ቡድኑ ሰርጎ ገቦች በቁጥጥር ስር እየዋሉ መሆኑን አሳውቀዋል።

ማህበረሰቡም የጀመረዉን የህልዉና ትግል በማጠንከር ኢትዮጵያን ከዚህ አሸባሪ ቡድን ስጋት ነጻ እንዲያወጣ አስተዳዳሪዉ ጥሪ አቅርበዋል፡፡

በአፈወርቅ እያዩ፣

ለይኩን ዓለም እና

በሙሉቀን አበበ

ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.