Fana: At a Speed of Life!

የመከላከያ ሠራዊትና የአማራ ክልል የጸጥታ ኀይል በማይጠብሪ ግንባር ከፍተኛ ድል እያስመዘገበ ነው- የ54ኛ ክፍለ ጦር ዋና አዛዥ ኮሎኔል የሺበር አዳነ

አዲስ አበባ፣ ነሐሴ 11 ፣ 2013 (ኤፍ ቢ ሲ) በማይጠብሪ ግንባር ለዳግም ወረራ የተነሳው አሸባሪውና ተስፋፊው የትህነግ ቡድን በሀገር መከላከያ ሠራዊት፣ በአማራ ልዩ ኃይል፣ ሚሊሻና ፋኖ እየተደመሰሰ መሆኑ ተገለፀ፡፡
በማይጠብሪ ግንባር የ54ኛ ክፍለ ጦር ዋና አዛዥ ኮሎኔል የሺበር አዳነ እንደገለጹት ሽብርተኛው ትህነግ ከፍተኛ ኪሳራ ውስጥ ገብቷል ብለዋል፡፡
የመንግሥት የጸጥታ ኃይል ጠላትን ለማሸነፍ ሰፊ ቅድመ ዝግጅት አድርጎ መግባቱ እየተመዘገበ ላለው ድል ከፍተኛ አስተዋጽኦ ማበርከቱንም ነው ለአሚኮ የገለፁት፡፡
ዋና አዛዡ አሸባሪው ቡድን በአሁኑ ወቅት ጦርነቱን በመሣሪያ ሳይሆን በሰው ማዕበል ለመምራት ጥረት እያደረገ ነው፤ አቅሙም እየተዳከመ መጥቷል ብለዋ፡፡
በመንግሥት የጸጥታ ኃይል ጠንካራ ክንድ የአሸባሪ ቡድኑ አባላት እየተደመሰሱ መሆኑንና ሠራዊቱ በቀጣይም ጦርነቱን በድል ለማጠናቀቅ በሚያስችል አስተማማኝ ቁመና እንድሚገኝም ነው የተናገሩት፡፡
የሀገር መከላከያ ሠራዊት እና የአማራ ክልል የጸጥታ ኃይል ጠላትን ለመደምሰስ በሚያደረገው ተጋድሎ የኢትዮጵያ ሕዝብ ያልተቋረጠ ድጋፍ ከፍተኛ አስተዋጽኦ ማበርከቱንም ነው ያስረዱት፡፡
ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.