Fana: At a Speed of Life!

ፍትሃዊ የሃብት ክፍፍል እንዲኖር የበጎ አድራጎት ስራ ከፍተኛ ድርሻ አለዉ – የኦሮሚያ የዕቅድና የኢኮኖሚ ልማት ኮሚሽን

አዲስ አበባ፣ ነሐሴ 11፣ 2013 (ኤፍ ቢ ሲ) በክረምት የበጎ አድራጎት ስራ የማህበረሰቡን ችግር ለመቅረፍ ‹‹እኔ ለወገኔ ጥላ እሆናለሁ ›› በሚል መሪ ቃል እንደ ክልል በአንድ ቀን የ1ሺህ 100 የአቅመ ደካሞችን ቤት የማደስ ስራ እየተከናወነ መሆኑ ተገለፀ፡፡
የኦሮሚያ የዕቅድና የኢኮኖሚ ልማት ኮሚሽነር ዶክተር ተሾመ አዱኛ በዛሬው ዕለት በጅማ ዞን ዴዶ ወረዳ ተገኝተዉ የክረምት የበጎ ፍቃድ አገልግሎት አስጀምረዋል፡፡
በዚሁ ወቅት በተለያዩ ምክንያቶች አቅም አንሷቸው መኖሪያ ቤታቸው ዘሞ ያስቸገራቸውን የአቅመ ደካሞችን ቤት በህብረተሰቡ ተሳትፎ መስራት መቻሉ ፍትሃዊ የሃብት ክፍፍል እንዲኖርና ሁሉም እኩል ተጠቃሚ ለማድረግ የበጎ አድራጎት ስራ ከፍተኛ ድርሻ ስላለዉ ለወደፊትም ተጠናክሮ ይቀጥላል ብለዋል።
የጅማ ዞን ሴቶች፣ ህፃናትና ወጣቶች ፅህፈት ቤት ኃላፊ ወይዘሮ ፈዲላ ቃዲ እንደ ጅማ ዞን በአንድ ቀን በዞኑ ሁሉም ቀበሌዎች 569 የአቅመ ደካማ ቤቶችን ከ34 ሚሊየን ብር በላይ በሚገመት ወጭ መሰራታቸውም ነው የተገለፀው፡፡
የጅማ ዞን ዋና አስተዳዳሪ አቶ አብዱልሃኪም ሙሉ በዞኑ እስካሁን ድረስ በተሰሩ የበጎ አድራጎት ስራዎች የህብረተሰቡን ማህበራዊና ምጣኔ ሃብታዊ ችግሮች መፍታት መቻሉን ነው የተናገሩት፡፡
ይህ መልካም ስራ የህብረተሰቡን የአብሮነትና የመረዳዳት ባህል እንዲዳብር ስላደረገ ስራዉ ተጠናክሮ ይቀጥላል ነው ያሉት።
ተስፋሁን ከበደ
ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.