Fana: At a Speed of Life!

የዘማች አርሶ አደሮችን ሰብል የመንከባከብ ሥራ እየተከናወነ ነው

አዲስ አበባ፣ ነሐሴ 11፣ 2013 (ኤፍ ቢ ሲ) የሕልውና ዘማች አርሶ አደሮችን ሰብል የመንከባከብ ሥራ እያከናወኑ መሆኑን የዳንሻ ከተማ አስተዳደር የመንግሥት ሠራተኞች ገለጹ፡፡
የአርሶአደሮችን ሰብል በሕዝብ እንዲታረም ለማድረግ የዳንሻ ከተማ አስተዳደር የተከታታይ ሦስት ቀናት የመንግሥት ሠራተኞች ዘመቻ ዛሬ ያስጀመረ ሲሆን ÷ዘመቻውም በሁሉም ቀበሌዎች ተግባራዊ እየሆነ እንደሚገኝ ተገልጿል፡፡
የመንግሥት ሠራተኞቹ በገንዘብ ከሚያደርጉት ድጋፍ በተጨማሪ በዘማች አርሶ አደሮች ማሳ በመገኘት እያረሙ ነው፡፡
በወልቃይት ጠገዴ ሰቲት ሁመራ ዞን የዳንሻ ከተማ አስተዳዳር ማዘጋጃ ቤት ባለሙያ አቶ መብራቱ ማማይ በአሸባሪው የትህነግ ቡድን ኢትዮጵያ የተደቀነባትን የሕልውና አደጋ ለመቀልበስ የዘመቱ አርሶ አደሮችን እርሻ መንከባከብ የሁሉም ደጀን ሕዝብ ሃላፊነት ነው ብለዋል፡፡
በተለያዩ መንገዶች የሚሊሻ አባላትን ለመደገፍ ገቢ እየተሰበሰበ እንደሆነም መግለፃቸውን አሚኮ ዘግቧል፡፡
በዳንሻ ከተማ አስተዳደር የቀበሌ 03 ምክትል ሥራ አስኪያጅ አብረኽት አለኽኝ የዘማች አርሶ አደሮችን ማሳ በዘመቻ እና በትብብር ማልማቱ ለዘማቾቹ እና ለቤተሰቦቻቸው ሕዝቡ ያለውን አጋርነት ከማሳየቱም በላይ በሚቀጥለው ዓመት የምርት እጥረት እንዳይፈጠር ያለው ሀገራዊ ሚና የጎላ መሆኑን ጠቁሟል፡፡
ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.