Fana: At a Speed of Life!

የሳይንስና ከፍተኛ ትምህርት ሚኒስቴርና  ተጠሪ ተቋማት ለመከላከያ ሰራዊት  ድጋፍ አደረጉ

አዲስ አበባ ፣ ነሐሴ 11 ፣ 2013 (ኤፍ ቢ ሲ) የሳይንስና ከፍተኛ ትምህርት ሚኒስቴር፣  ተጠሪ ተቋማትና የመንግስት ከፍተኛ ትምህርት ተቋማት  የሀገርን ሉኡላዊነትን በማስከበር ላይ ላለው የመከላከያ ሰራዊት  ድጋፍ አደረጉ።

ይህንንም አስመልክቶ ዛሬ መግለጫ የሰጡ ሲሆን ፥ የሀገርን ሉኡላዊነት በማስከበር ላይ ላለው የመከላከያ ሰራዊት ያላቸውን አክብሮት እና ደጀንነት በተግባር ለማረጋገጥ ድጋፍ ማድረጋቸውን በመግለጫቸው አንስተዋል ።

ተቋማቱ የአንድ ወር ደመወዛቸውን 179 ሚሊየን 210 ሺህ 531 ብር ፣ በጥሬ ገንዘብ ብር 28 ሚሊየን 100 ሺህ

በዓይነት  32 ሚሊየን 810 ሺህ 846 ብር  ግምት ያላቸው የተለያዩ የቁሳቁስና የመደኃኒትና ህክምና

መገልገያ ፣ 1 ሚሊየን 286 ሺህ 935 ብር  የሚያወጡ ፍየልና የምግብ እህል  እንዲሁም የደም ልገሳ አድርገዋል።

የማስተማሪያ ሆስፒታል ካላቸው ዩኒቨርሲቲዎች በርካታ የህክምና ባለሙያዎች ግንባር ድረስ በመዝመት አገልግሎት ለመስጠት ሰራዊቱን የተቀላቀሉ ሲሆን፣በሰሜኑ ክፍል የሚገኙ ዩኒቨርሲቲዎች በሆስፒታሎቻቸው የህክምና አገልግሎት በመስጠት ላይ ይገኛሉ ተብሏል።

ከዚያም ባለፈ በጦርነቱ ምክንያት ከቤት ንብረታቸው ተፈናቅለው በደሴ ከተማ ለተጠለሉ ወገኖች ደጋፍ እንዲሆን የሐረማያ፣ የቦንጋ፣ የኦዳማ ሳይንስና ቴክኖሎጂ ዩኒቨርሲቲ የብርድ ልብስ፣ ፍራሽ፣ መደኃኒትና የህክምና

መገልገያ ቁሳቁሶችን ዊልቸይር፣ እንዲሁም የምግብ ደጋፍ የላኩ ሲሆን፣ ሌሎች ዩኒቨርሲቲዎችም በበኩላቸው ለተፈናቃዮች የሚሆን ድጋፍ በወሎ ዩኒቨርሲቲ በኩል እንዲዳረስ እንቅስቃሴ እያደረጉ ነው።

በአሁኑ ስአት የውጪና የውስጥ ጠላትና ባንዳዎች በተቀናጀ መልኩ የሀገር ሉዓላዊነትን እየተፈታተኑ በመሆኑ የሀገር ሉዓላዊነትና ክብር ለመጠበቅ የኢትዮጵያ ሕዝብ በአንድነት ሊቆሙ ይገባል ብለዋል፡፡

ሚኒስቴር መስረያ ቤቱ፣ ተጠሪ ተቋማቱና ዩኒቨርሲቲዎቹ እያደረጉት ያለዉ ደጋፍም ተጠናክሮ እንደሚቀጥል ከሳይንስና ከፍተኛ ትምህርት ሚኒስቴር ያገኘኘው መረጃ ያመላክታል።

ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.