Fana: At a Speed of Life!

አዋሽ ባንክና ዲስከቨር ግሎባል ኔትወርክ በጋራ ለመስራት ተስማሙ

አዲስ አበባ፣ ነሐሴ 11፣ 2013 (ኤፍ ቢ ሲ)አዋሽ ባንክ ዲስከቨር ግሎባል ኔትወርክ ከተሰኘውና መቀመጫውን አሜሪካ ካደረገው የካርድ ክፍያ አገልግሎት ሰጪ ተቋም ጋር አብሮ ለመስራት ስምምነት ተፈራረመ፡፡
ስምምነቱ በመላው የኢትዮጵያ የንግድ ማህበረሰብ ዘንድ የአለምአቀፍ ካርዶችን ተቀባይነት ለማሳደግ የሚያስችል ነው ተብሏል፡፡
እንዲሁም በኢትዮጵያ የግብይት መጠንን ለማሳደግ ጉልህ ሚና እንደሚኖረው የዲስከቨር ግሎባል ኔትዎርክ ካርድ የአለም አቀፍ ገበያዎች ምክትል ፕሬዚዳንት ማት ስሎዋን ገልጸዋል፡፡
የአዋሽ ባንክ ሆል ሴል ባንኪንግ ዋና ኦፊሰር አቶ ታደሰ ገመዳ በበኩላቸው÷ ዲስከቨር ግሎባል ኔትወርክ ጋር አብሮ መስራቱ ለአካባቢያዊና ለአለም አቀፍ ደንበኞች የክፍያ አማራጮችን ለመጨመርና ለማስፋት ባንኩ ያለውን ቁርጠኝነት ከማሳያቱ በላይ ለገቢ ዕድገት ጉልህ ሚና ይኖረዋል ሲሉ መናገራቸውን ከባንኩ ያገኘነው መረጃ ያመላክታል፡፡
ዲስከቨር ግሎባል ኔትዎርክ ከ200 በላይ አገራትና ግዛቶች ውስጥ ከ 48 ሚሊየን በላይ በሚሆኑ ነጋዴዎችና 2 ሚሊየን በሚሆኑ የኤቲኤም የገንዘብ መቀበያ ቦታዎች ዘንድ ተቀባይነት ያለው ሲሆን ÷በአለም አቀፍ ደረጃ ከ270 ሚሊየን በላይ የካርዱ ተጠቃሚዎች አሉት፡፡
ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.