Fana: At a Speed of Life!

አቶ ደመቀ መኮንን በምስራቅ አፍሪካ ከአሜሪካ ልዩ መልዕክተኛ ጋር ተወያዩ

አዲስ አበባ ፣ ነሐሴ 11 ፣ 2013 (ኤፍ ቢ ሲ)ምክትል ጠቅላይ ሚኒስትር እና የውጭ ጉዳይ ሚኒስትር አቶ ደመቀ መኮንን በምስራቅ አፍሪካ የአሜሪካ ልዩ ጄፍሪ ፊልትማን ጋር ተወያይተዋል።

በውይይታቸው ም የሁለቱ አገራት ግንኙነት ታሪካዊ ፣ የቆየ ፣ በጋራ ፍላጎትና ራዕይ ላይ የተመሰረተ ነው ብለዋል።

በዚሁ ወቅት ምክትል ጠቅላይ ሚንስትሩ የሽብር ቡድኑ ህወሃት በሰሜን ዕዝ ላይ ስላደረሰው ጥቃት  እንዲሁም ቡድኑ እየፈጸማቸው ያለው  አስከፊ  ድርጊቶች   ለዚህ  ችግር መዳረጉን ገልጸዋል ።

ወራሪው  የሽብር ቡድን  በአሁኑ ወቅት በአፋርና በአማራ ክልሎች ግልጽ ወረራ ፣ ዝርፊያና ግድያ በማካሄድ ከፍተኛ ሰብዓዊ ፣ ኢኮኖሚያዊና ማኅበራዊ ወንጀሎችን  እየፈጸመ መሆኑን አቶ ደመቀ ገልጸዋል።

ቡድኑ እነዚህን ሁሉ ወንጀሎች እና ክህደት በሚፈጽሙበት ጊዜ የአሜሪካ መንግስት ዝምታን መርጧል ብለዋል።

ይህም በሁለቱ ወንድማማች  ሀገራት ግንኙነት ውስጥ ያልተለመደና የሁለቱን  የወንድማማች ሀገሮች ግንኙነት የማይመጥን ነው ብለዋል።

አቶ ደመቀ አያይዘውም አሜሪካ በሁለቱ አገራት መካከል ያለውን ግንኙነት በሚመጥን መልኩ የወራሪ ኃይሎችን አጥፊ ድርጊቶች    እንደምትኮንነው  ኢትዮጵያ  ተስፋ ታደርጋለችም ነው ያሉት ።

ቡድኑ ከተመሰረተ  ጊዜ  ጀምሮ ቀጠናውን እያወከ መሆኑን ዓለም አቀፉ ማህበረሰብ  በአንክሮ ሊገነዘበው  ይገባልም ሲሉ ምክትል ጠቅላይ ሚኒስትሩ አክለዋል።

ልዩ መልዕክተኛው ጄፍሪ ፊልትማን  በበኩላቸው÷ የአሜሪካ መንግስት የኢትዮጵያ ህዝብ በሽብር ቡድኑ ላይ ያለውን አመለካከት በሚገባ እንደሚረዳ ተናግረዋል።

የኢትዮጵያን ሉዓላዊነት ፣ ሰላምና አንድነት ጠብቆ ማቆየት እና  ማረጋገጥ የአሜሪካ ፖሊሲ በኢትዮጵያ ላይ መሠረታዊ ጉዳዮች ናቸውም ብለዋል።

በሁለቱ አገሮች መካከል ያለው ግንኙነት ቀጠናዊ ጠቀሜታ  ያለው መሆኑን በአጽንኦት ተናግረዋል።

ልዩ መልዕክተኛው  በኢትዮጵያ ቆይታቸው ከተለያዩ የመንግስት ባለስልጣናት ጋር ይወያያሉ ተብሎእንደሚጠበቅ ከውጭ ጉዳይ ሚኒስቴር ሚኒስቴር ያገኘነው መረጃ ያመላክታል።

ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.