Fana: At a Speed of Life!

አሸባሪዎቹ ኦነግ ሸኔና ህወሓት የኢትዮጵያ ህዝብ ጠላቶች ናቸው – የጅማ ከተማና አካባቢዋ ነዋሪዎች

አዲስ አበባ ፣ ነሐሴ 12 ፣ 2013 (ኤፍ ቢ ሲ) አሸባሪዎቹ ኦነግ ሸኔና ህወሓት በህዝብ ስም የሚቆምሩ የኢትዮጵያ ህዝብ ጠላቶች መሆናቸውን የጅማ ከተማና አካባቢዋ ነዋሪዎች ገለጹ።

የጅማ ከተማና አከባቢዋ ነዋሪዎች ዛሬ በጅማ ስቴዲየም በመገኘት የሁለቱን የጥፋት ቡድኖች ሃገር የማፍረስ ተልዕኮ አውግዘዋል።

ህወሓት በኢሬቻ በአል በኦሮሞ ወጣቶች፣ አርሶአደሮችና ተወላጆች ላይ ታሪክ የማይዘነጋው የጭካኔ ተግባር መፈፀሙን አንስተዋል።

ይህ ሁሉ የጭካኔ ተግባር በኦሮሞ ህዝብ ላይ ሲፈፀም ቃል ያልተነፈሰው ኦነግ ሸኔ ዛሬ ህወሓትን ለመታደግ ጥምረት ፈጥሬያለሁ ማለቱ የቡድኑን ቅጥረኛነት ከማጋለጥ በስተቀር በሃገር ላይም ሆነ በኢትዮጵያ ህዝብ ላይ የሚፈጥረው ተፅዕኖ የለም ብለዋል ነዋሪዎቹ።

በመሆኑም የኦሮሞና የኢትዮጵያ ህዝብ ጠላት የሆኑትን ኦነግ ሸኔንና ህወሓትን ለማስወገድ አስፈላጊውን መስዋዕትነት እንከፍላለን ብለዋል ሰልፈኞቹ።

የጅማ ከተማ ከንቲባ አቶ ትጃኒ ናስር÷ ኦነግ ሸኔ የኦሮሞ ተማሪዎችንና ወጣቶችን ሲያስጨርስ የነበረ የህወሓት ተላላኪ መሆኑን ተናግረዋል።

ይህን የተገነዘበው የኦሮሞ ህዝብና ወጣትም ከሌሎች ኢትዮጵያውያን ወንድሞቹ ጋር በመሆን ሁለቱን ቡድኖች ለማስወገድ እየታገለ ነው ብለዋል።

የጅማ ዞን አስተዳደር አቶ አብዱል ሀኪም ሙሉ በበኩላቸው÷ ኦነግ ሸኔ የኦሮሞ አርሶአደሮች ስራቸውን እንዳያከናውኑ ከማደናቀፍ ውጭ በኦሮሞ ህዝብ ጠላት ላይ አንድም ቀን ተኩሶ እንደማያውቅ ገልፀዋል።

በመሆኑም እስከ ህይወት መስዋዕትነት በመክፈልና ሁለቱን የጥፋት ቡድኖች በመደምሰስ ብልፅግናችንን እናረጋግጣለን ነው ያሉት።

የኦሮሚያ የኢኮኖሚና ልማት እቅድ ኮሚሽን ኮሚሽነር ዶክተር ተሾመ አዱኛ÷ የሁለቱን ቡድኖች ጥምረት የሙታን ጋብቻ ብለውታል።

በሙክታር ጣሃ

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.