Fana: At a Speed of Life!

የህወሓትና ኦነግ ሸኔን ጥምረት የሚያወግዙ ሰልፎች በተለያዩ ከተሞች ተካሄዱ

አዲስ አበባ ፣ ነሐሴ 12 ፣ 2013 (ኤፍ ቢ ሲ) የህወሓትና ኦነግ ሸኔን ጥምረት የሚያወግዙ ሰልፎች በተለያዩ ከተሞች ተካሄዱ።

ሰልፎቹ በሻሸመኔ ከተማና ቢሻን ጉራቻ፣ ሱሉልታ፣ ሰበታ፣ለገጣፎ፣ ሮቤ፣ ቡኖ በደሌ እና ቡራዩ ከተሞች ነው የተካሄዱት።

በሻሸመኔ በተካሄደው ሰልፍ ላይ የኦነግ ሸኔ እና ህወሓት የከረመ የሽብር ስራቸውን ዳግም ለማምጣት የሚያደርጉትን ጥረት አንፈቅድም ብለዋል።

ሃገርን ለማዳን እየሰራ ያለውን የመከላከያ ሰራዊት በሙሉ አቅማቸው እንደሚደግፉ ገልጸው፥ የሽብር ቡድኑ ሰርጎ ገቦች ችግር እንዳያመጡ ከህዝብ ጋር በመተባበር እንደሚሰሩ አስታውቀዋል።

የሻሸመኔ ከተማ ምክትል ከንቲባ አቶ ኢብራሂም ከድር በበኩላቸው የአሸባሪ ቡድኖቹ የሚያደርጉትን ትንኮሳ ህዝብን በተባበረ ክንድ እንመክታለን ብለዋል።

የገጣፎ ከተማዋ ወጣቶች፣ሴቶች ፣ ፈረሰኞች፣ እናቶችና አባቶች በአደባባይ የቡድኖቹን የጥፋት እንቅስቃሴ አውግዘዋል።

ሰልፈኞቹ “ሸኔ አፋን ኦሮሞ ተናጋሪ ወያኔ ናት ፣ በመስዋዕትነት የገኘነውን ነፃነት በመስዋዕትነት እንጠብቃለን”ና የመሳሰሉ መፈክሮችን አሰምተዋል፡፡

በተመሳሳይ በሰበታ ከተማ የመከላከያ ሰራዊትን የሚደግፍ እና ኦነግ ሸኔ እና ህወሓትን የሚያወግዝ ሰልፍ ተካሄዷል።

የሰበታ ከተማ ከንቲባ አቶ ብርሀኑ በቀለ “አባቶቻችን ትልቅ መስዋዕትነት ከፍለው ሉአላዊነቷ የተከበረች ሀገር አስረክበውናል እኛም ሀገራችንን ለማስከበር አስፈላጊውን ሁሉ ለማድረግ ዝግጁ ነን” ብለዋል፡፡
ሰልፈኞቹም በሰብአዊ ዕርዳታ ሰበብ ጣልቃ ለመግባት የሚሞክሩ የውጭ ሀገራትን እናወግዛለን ፤ የጀመርነውን ልማት እናስቀጥላለን ሲሉ ገልፀዋል፡፡

በተያያዘም የሱሉልታ ከተማ እና አጎራባች ነዋሪዎች የኢትዮጵያን ትንሣኤ ለማደናቀፍ እየተንቀሳቀሱ የሚገኙትን የህወሓት ቡድን አባላት እና አነግ ሸኔን የሚያወግዝ ሰልፍ አካሂደዋል።

በለማ ተስፋዬ፤ ተጨማሪ መረጃ ከኦቢ ኤን

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.