Fana: At a Speed of Life!

የትራንስፖርት ሚኒስቴር በጉለሌ ክፍለ ከተማ ያስጀመራቸዉን የቤቶች እድሳት አጠናቆ ለተጠቃሚዎች አስረከበ

አዲስ አበባ ፣ ነሐሴ 12 ፣ 2013 (ኤፍ ቢ ሲ)የትራንስፖርት ሚኒስቴር በጉለሌ ክፍለ ከተማ ያስጀመራቸዉን የቤቶች እድሳት በማጠናቀቅ ለተጠቃሚዎች አስረክበዋል፡፡

የትራንስፖርት ሚኒስትር ወይዘሮ ዳግማዊት ሞገስ የቤት እድሳት ካስጀመሩበት ቤቶች ዉስጥ በጉለሌ ክፍለ ከተማ ወረዳ 9 የሚገኙ ቤቶች የእድሳት ሙሉ ወጭ በኢትዮ ጅቡቲ የባቡር ትራንስፖርት አገልግሎት አክሲዮን ማህበር ተሸፍኖ ተጠናቋል።

የትራንስፖርት ሚኒስትር ዴኤታ ኢንጅነር የኋላእሼት ጀመረ÷ የኢትዮ ጅቡቲ የባቡር ትራንስፖርት አገልግሎት አ/ማ በአጭር ጊዜ ውስጥ ቤቶቹን አጠናቆ በማስረከቡ ማመስገናቸውን ከሚኒስቴሩ ያገነነው መረጃ ያመለክታል።

ዛሬ የሚጀመሩና በሌሎች ክፍለ ከተሞች የተጀመሩትም በቅርቡ የሚጠናቀቁ መሆናቸዉን የገለጹት ሚኒስትር ዴኤታው÷ ይህ የክረምት የቤት እድሳት ፕሮግራሙ በቀጣይም የትራንስፖርት ሚኒስቴርና ተጠሪ ተቋማት በማህበረሰብ አቀፍ የበጎ አድራጎት ስራዎች በመሳተፍ በዝቅተኛ የኑሮ ደረጃ ላይ የሚገኙ ነዋሪዎችን የመደገፉ ሥራ እንደሚቀጥል ተናግረዋል።

የጉለሌ ክፍለ ከተማ ዋና ስራ አስፈጻሚ አቶ አባወይ ዮሃንስ በክፍለ ከተማው በርካታ በዝቅተኛ የኑሮ ደረጃ ላይ ያሉ ነዋሪዎች የሚገኙበት በመሆኑ ሚኒስቴር መስሪያ ቤቱ ተጠሪ ተቋማትንና በጎ ፈቃደኞችን በማስተባበር በክፍለ ከተማችን የቤት እድሳት ማስጀመር ብቻ ሳይሆን በአጭር ጊዜ ዉስጥ በማጠናቀቅ በማስረከባቸዉ የተሰማቸዉን ደስታ ገልጸዋል።

ቤቶቹ ለመተዳደሪያቸዉም የሚሆን ሱቅ ከፊት ለፊት የተሰራላቸዉ በመሆኑ በመስራትም ሆነ በማከራየት ኑሯቸዉን እንደሚደጉም ታዉቋል።

በተመሳሳይ መልኩ በክፍለ ከተማው ወረዳ 10 አካባቢ የአቅመ ደካማ አባት ቤት እድሳት በወይዘሮ ዳግማዊት ሞገስ የተጀመረ ሲሆን÷ ሙሉ ዕድሳቱም በፐብሊክ ሰርቪስ ሠራተኞች ትራንስፖርት አገልግሎት ድርጅት የሚሸፈን ይሆናል።

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.