Fana: At a Speed of Life!

ቦርዱ በሶማሌ ክልል የመራጮችን ምዝገባ አስመልክቶ ያካሄደውን የምርመራ ሪፖርት ለፖለቲካ ፓርቲዎች አቀረበ

አዲስ አበባ፣ ነሐሴ 12፣ 2013 (ኤፍ ቢ ሲ) ብሔራዊ ምርጫ ቦርድ በሶማሌ ብሔራዊ ክልላዊ መንግሥት የተካሄደውን የመራጮች ምዝገባ አስመልክቶ በባለሞያዎች አጣሪ ቡድን አማካኝነትያካሄደውን የምርመራ ሪፖርት ለፖለቲካ ፓርቲዎች አቅርቧል፡፡
በመድረኩ የቦርዱ ዋና ሰብሳቢ ብርቱካን ሚደቅሳን ጨምሮ የቦርዱ ሁሉም አመራሮች ተገኝተዋል፡፡
በምርምራ ላይ የተሠማሩት የዘጠኝ ቡድኖች ተወካዮች ቀርበው በየምርጫ ክልሎቹ ያደረጉትን ምርመራ ሂደት፣ ውጤት እና ለቦርዱ የሚያቀርቡትን የውሳኔ ሃሳብ አስረድተዋል።
በምርመራ ሂደቱም በቀረቡት ቅሬታዎች ላይ ቀጥተኛ ግንኙነት ካላቸው ግለሰቦች ጋር ባደረጓቸው ቃለመጠይቆች፣ በመሥክ ጉብኝት፣ ከአካባቢው ማኅበረሰብ በሰበሰቧቸው መረጃዎች፣ ከፎቶና ከተንቀሳቃሽ ምስል እንዲሁም ከቀረቡ ከተለያዩ የሠነድ ማስረጃዎችን በመጠቀም ያጠናቀሩትን ሪፖርት አቅርበዋል፡፡
የአጣሪ ቡድኑ ሪፖርት ከተሰማ በኋላ ቅሬታ ያቀረቡ ተወዳዳሪ ፓርቲዎች በተወካዮቻቸው አማካኝነት ሃሳብ እንዲሰጡ መደረጉን ከብሄራዊ ምርጫ ቦርድ ያገኘነው መረጃ ያመላክታል፡
የፖለቲካፓርቲዎች ቅሬታዎቻቸውን እና ከቦርዱ የሚጠብቁትን የውሳኔ አይነት በተመለከተ ጥያቄዎችን አቅርበዋል፡፡
በጥያቄዎቻቸው መሰረት ቦርዱ የአጣሪ ቡድኑን ሪፓርት ተከትሎ ውሳኔዎቹን ለተወዳዳሪ ፓርቲዎች የሚያሳውቅ መሆኑ ተገልጿል።

 

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.