Fana: At a Speed of Life!

የደቡብ ዕዝ ምልምል ሰልጣኞች ህወሓትን ለመደምሰስ የሚያስችል ሁለንተናዊ ብቃት በመፍጠር ላይ ይገኛሉ-ኮሎኔል ደጀኔ ጸጋዬ

አዲስ አበባ፣ ነሐሴ 12፣ 2013 (ኤፍ ቢ ሲ) በደቡብ ዕዝ ማሰልጠኛ ማዕከል የከተቱ ምልምል ሰልጣኞች የሽብር ቡድኑን ለመደምሰስ የሚያስችል ሁለንተናዊ ብቃት በመፍጠር ላይ እንደሚገኙ የማዕከሉ ዋና አዛዥ ኮሎኔል ደጀኔ ፀጋዬ ገለጹ።
ምልምል ሰልጣኞቹ በማዕከሉ የሚሰጣቸውን ልዩ ልዩ ስልጠናዎች በከፍተኛ ሞራል እና ፅኑ በሆነ ሀገራዊ ፍቅር እየተከታተሉ መሆናቸውን ተናግረዋል፡፡
አሸባሪው የህወሓት ቡድን ኢትዮጵያን ለማፍረስ ያሴረውን እኩይ ተግባር ለመመከት ከምንጊዜውም በላይ ዝግጁ መሆናቸውንም ነው የገለጹት።
ዋና አዛዡ የኢትዮጵያ ህዝብ በማንኛውም ሰዓት ለሀገሩ ወታደር መሆን እንደሚችል ያሳየበት መልካም አጋጣሚ መሆኑን አስታውሰው÷ ሰልጣኙ የሚሰጠውን ማንኛውም ግዳጅ በብቃት ለመወጣት የሚያስችል ሁለገብ ስልጠና በመውሰድ ላይ ይገኛል ብለዋል።
ኢትዮጵያን ከሽብርተኛው ቡድን ወረራ ለመታደግ ምልምል ሰልጣኙም ሆነ የማዕከሉ ሰራዊት የሚያስፈልገውን ዋጋ ሁሉ ለመክፈል ዝግጁ መሆኑን አንስተዋል፡፡
ማዕከሉ ከወቅታዊ ሀገራዊ ግዳጅ አንፃር የሚሰጠውን ልዩ ልዩ ተልዕኮዎች በአመርቂ ውጤት እየፈፀመ እንደሚገኝም አብራርተዋል።
የማዕከሉ አሰልጣኞች በበኩላቸው ሀገርን ለመታደግ በሚደረገው ዘመቻ ላይ አኩሪ ገድል መፈፀም የሚችሉ ብቁ ወታደሮችን ሁለንተናዊ በሆነ መንገድ ለመቅረፅ በትኩረት እየሰሩ እንደሆነ ማስረዳታቸውን ከመከላከያ ሰራዊት ያገኘነው መረጃ ያመላክታል፡፡
ምልምል ሰልጣኞችም የሽብር ቡድኑን ተግባር ለመመከትም ሆነ በሀገሪቱ ላይ የተጋረጠውን አደጋ ለመቀልበስ የሚጠበቅባቸውን ሁሉ በማድረግ እስከ ህይወት መስዋዕትነት ድረስ ለመክፈል ዝግጁ መሆናቸውን አረጋግጠዋል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.