Fana: At a Speed of Life!

በተለያዩ አካባቢዎች ያጋጠመውን የዩሪያ ማዳበሪያ እጥረት ለመፍታት አየተሰራ ነው-አቶ ኡመር ሁሴን

አዲስ አበባ፣ ነሐሴ 12፣ 2013 (ኤፍ ቢ ሲ) በያዝነው የመኸር ወቅት በተለያዩ አካባቢዎች ያጋጠመውን የዩሪያ ማዳበሪያ እጥረት ለመቅረፍ እየተሰራ መሆኑን የግብርና ሚኒስቴር አስታውቋል፡፡
ከቅርብ ጊዜ ወዲህ በኢትዮጵያ የግብርና ልማት ዘርፍ የግብዓት አጠቃቀም እያደገ መምጣቱን መረጃዎች ያመላክታሉ፡፡
ምርጥ ዘር፣ ማዳበሪያ፣ ኬሚካልና የዘመናዊ ቴክኖሎጂ አጠቃቀም ከዓመት ዓመት እየጨመረ መምጣቱም
ይነገራል፡፡
ይሁን እንጂ በያዝነው የመኸር ወቅት በተለያዩ አካባቢዎች የዩሪያ ማዳበሪያ እጥረት ማጋጠሙ ነው የተገለጸው፡፡
የግብርና ሚኒስትሩ አቶ ኡመር ሁሴን ከፋና ብሮድካስቲንግ ኮርፖሬት ጋር ባደረጉት ቆይታ÷ የዩሪያ ማዳበሪያ እጥረት የተፈጠረው በተለያዩ ምክንያቶች መሆኑን አንስተዋል፡፡
ለዚህም የማዳበሪያ ፍላጎት መጨመር ለችግሩ አንዱ ምክንያት መሆኑን ነው የገለጹት፡፡
በዓለም የማዳበሪያ ገበያ ላይ ከፍተኛ የዋጋ ጭማሪ በማጋጠሙ አቅራቢዎች ግዢ በፈጸሙበት ዋጋ ለማቅረብ አለመፈለጋቸውና ውሉን ማቋረጣቸው ደግሞ ዋናው ምክንያት መሆኑን አንስተዋል፡፡
በአሁኑ ወቅት ከአንዳንድ የዩሪያ ማዳበሪያ አቅራቢዎች ጋር በልዩ ሁኔታ በመደራደር ፈጣን ግዢ በመፈጸም ማዳበሪያውን ወደ ሀገር ውስጥ የማስገባት ስራው መጀመሩን ገልፀዋል፡፡
ቀደምሲል የገባውን የዩሪያ ማዳበሪያ ለአርሶ አደሩ እንዲደርስ መደረጉን የገለጹት ሚኒስትሩ÷ ለቀጣይ ሰብሎችና ቡቃያ የሚያስፈልገው ዩሪያም እስከ መስከረም ድረስ ወደ ሀገር ውስጥ ይገባል ነው ያሉት፡፡
ከዩሪያ ማዳበሪያ ጋር ተያይዞ የሚነሳው ችግርም ሙሉ በሙሉ እንደሚፈታ ነው ሚኒስትሩ የተናገሩት፡፡
በትዕግስት ስለሺ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን
You might also like

Leave A Reply

Your email address will not be published.