Fana: At a Speed of Life!

የሰሜን ጎንደር ህዝብ የህወሓትን የጥፋት ዓላማ ለማክሸፍ ፍልሚያ እያካሄደ ነው-የዞኑ አስተዳደር

አዲስ አበባ፣ ነሐሴ 13፣ 2013 (ኤፍ ቢ ሲ) የሰሜን ጎንደር ሕዝብ የሽብርተኛውን ህወሓት የመግደል እና የመዝረፍ ዓላማ ለማክሸፍ የህልውና ፍልሚያ እያካሄደ መሆኑን የዞኑ አስተዳደር ገለጸ፡፡
የዞኑ ዋና አስተዳዳሪ አቶ ያለዓለም ፈንታሁን ሽብርተኛው ቡድን በሰሜን ጎንደር ዞን አንዳንድ ቀበሌዎች ወረራ መፈጸሙን ጠቅሰው፥ የጸጥታ ሃይሉ የተቀናጀ እርምጃ እየወሰደ መሆኑን አስታውቀዋል፡፡
አሸባሪው ቡድን ከፍተኛ የሰብዓዊ እና ቁሳዊ ኪሳራ እየደረሰበት መሆኑንም ገልጸው ÷የሽብርተኛው ትህነግ ቡድን ከዞኑ መውጣት እንዳይችል እየተደረገ መሆኑንም ጠቅሰዋል፡፡
ህብረተሰቡ አካባቢውን በንቃት በመጠበቅ፣ ሁሉን አቀፍ ድጋፍ በማድረግ ብሎም በግንባር በመፋለም እያደረገ ያለውን ንቁ ተሳትፎ ዋና አስተዳዳሪው አድንቀዋል፡፡
የሽብርተኛው ትህነግን የመግደል እና የመዝረፍ ዓላማ ነዋሪው በሚገባ በመረዳቱ ይህ ዓላማው እንዳይሳካ የህልውና ፍልሚያ እያካሄደ ነው ብለዋል፡፡
አቶ ያለዓለም “እየተዋጋን ያለነው በራሳችን መሬት ላይ ነው፤ ወራሪው ቡድን የዘረፈውን ሃብት ይዞ እንዳይወጣ ማድረግ ብቻ ሳይሆን መቀበሪያው እንዲሆን በማድረግ ታሪካዊ ሃላፊነታችንን እንወጣ” ሲሉ ጥሪ ማቅረባቸውን አሚኮ ዘግቧል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.