Fana: At a Speed of Life!

የሐረማያ ዩኒቨርሲቲ ለተፈናቃዩች የለገሰውን ቁሳቁስ ለወሎ ዩኒቨርሲቲ አስረከበ

አዲስ አበባ፣ ነሐሴ 13፣ 2013 (ኤፍ ቢ ሲ)ሀረማያ ዩኒቨርሲቲ ከተለያዩ የሰሜን ወሎ አካባቢዎች ተፈናቅለው በደሴ ከተማ ለተጠለሉ ዜጎች የሚውል የቁሳቁስ ድጋፍ ለወሎ ዩኒቨርሲቲ አስረክቧል።
የወሎ ዩኒቨርሲቲ በማኅበራዊ ትስስር ገጹ በአሸባሪው የትህነግ ወረራ ምክንያት በደሴ ከተማ ለተጠለሉ ወገኖች የሚውል ድጋፍ ለማሰባሰብ ባስተላለፈው ጥሪ መሰረት ሐረማያ ዩኒቨርሲቲ የቁሳቁስ ድጋፍ በማድረግ ፈጣን ምላሽ ሰጥቷል፡፡
የወሎ ዩኒቨርሲቲ ተጠባባቂ ፕሬዚደንት ዶክተር አጸደ ተፈራ ፥በማኅበራዊ የትስስር ገጽ በተላለፈው የድጋፍ ጥሪ መሰረት ዩኒቨርሲቲዎች የሰጡት ምላሽ የሚደነቅ ነው ብለዋል።
ከሀረማያ ዩኒቨርሲቲ የመጣውን ድጋፍም ተረክበዋል።
በቀጣይም ለተፈናቃዮች የተደረገው በከተማ አስተዳደሩ በኩል ይሰራጫል ነው ያሉት።
የሀረማያ ዩኒቨርስቲ የአስተዳደርና ተማሪዎች ጉዳይ ምክትል ፕሬዝዳንት ልዩ ረዳት ሙክታር ዳውድ፥ አሸባሪው ትህነግ በከፈተው ወረራ በርካታ ወገኖች በመፈናቀላቸዉ ማዘናቸውን ገልጸዋል።
አቶ ሙክታር አሁን ላይ ይዘውት የመጡት የቁሳቁስ ድጋፍ ከ 1 ነጥብ 6 ሚሊየን ብር በላይ እንደሚገመት አብራርተዋል።
ወደፊትም ድጋፉን አጠናክረው እንደሚቀጥሉ መናገራቸውን አሚኮ ዘግቧል።
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.