Fana: At a Speed of Life!

አሸባሪው ቡድን የከተማዋ የኢኮኖሚ ምሶሶ የነበሩ ተቋማትን በመዝረፍ የሰራውን ሸፍጥ መቼም አንዘነጋውም- የድሬዳዋ ከተማ ባለሀብቶች

አዲስ አበባ፣ ነሐሴ 13፣ 2013 (ኤፍ ቢ ሲ) አሸባሪው ቡድን የከተማዋ የኢኮኖሚ ምሶሶ የነበሩ ተቋማትን በመዝረፍ የሰራውን ሸፍጥ መቼም አንዘነጋውም ሲሉ  የድሬዳዋ ከተማ ባለሀብቶች  ገለጹ።

“ሀገራችን ሀብታችን ፤ሀብታችን ለሀገራችን” በሚል ባለሀብቶች ለመከላከያ ሠራዊት ላሳዩት ደጀንነት የእውቅናና የምስጋና መርሀግብር ተካሂዷል።

“ኢትዮጵያን ለማፈራረስ ቆርጦ የተነሳው አሸባሪ ቡድን በ27 አመታት አገዛዙ ህዝብን በማጋጨት አንድነት ለመሸርሸር ከሠራው ተንኮል በተጨማሪ የድሬዳዋ አርማ የነበሩ ተቋማትን ሲዘርፍ ቆይቷል” ብለዋል።

የብዙ ሺህ የከተማዋ ነዋሪዎች የኑሮ መሠረት የነበሩ -ምድር ባቡርና ድሬዳዋ  ጨርቃጨርቅ ፋብሪካን የመሳሰሉ ተቋማትን በመዝረፍ የፈፀመውን የኢኮኖሚና የፖለቲካ ሸፍጥ የድሬዳዋ ህዝብ እንደማይረሳው ባለሀብቶቹ ገልፀዋል።

በመርሀግብሩ ላይ የድሬዳዋ አስተዳደር  ከንቲባ አቶ አህመድ መሀመድን  ጨምሮ ሌሎች የከተማዋ የስራ ሀላፊዎች ተገኝተዋል።

አቶ አህመድ በዚህ ወቅት የሀገሪቱ ጠላት የሆነውን ሀይል ከስሩ ለመንቀል በሚደረገው ዘመቻ፣ ግንባር ላይ እየተፋለመ ከሚገኘው የድሬዳዋ ልዩ ሀይል በተጨማሪ ለሠራዊቱ ደጀን የሆኑ የከተማዋ ባለሀብቶችን  ታሪክ እንደማይዘነጋቸው ተናግረዋል።

ባለሀብቶቹ  ከ22 ሚሊየን ብር በላይ  የሚገመት የገንዘብና የቁሳቁስ ድጋፍ ለሠራዊቱ ማድረጋቸው ተገልጿል ።

በሞሊቶ ኤልያስ

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

 

You might also like

Leave A Reply

Your email address will not be published.