Fana: At a Speed of Life!

የሞያሌ የጋራ ፍተሻ ጣቢያ የንግድ ትስስር እንዲዳብር ከፍተኛ አስተዋጽኦ እያበረከተ እንደሚገኝ ተገለጸ

አዲስ አበባ፣ ነሐሴ 13፣ 2013 (ኤፍ ቢ ሲ) የሞያሌ የጋራ ፍተሻ ጣቢያ የሀገራቱ የንግድ ትስስር እንዲዳብር ከፍተኛ አስተዋጽኦ እያበረከተ እንደሚገኝ ተገለጸ፡፡
በዚህ ዓመት ህዳር ወር ተመርቆ የተከፈተው የኢትዮጵያ እና የኬንያ የሞያሌ የጋራ ፍተሻ ጣቢያ የንግዱ ማህበረሰብ የተቀላጠፈ አገልግሎት እንዲያገኝ በር የከፈተ ነውም ተብሏል፡፡
የጋራ ፍተሻ ጣቢያው ስራ ከጀመረ በኋላ የታዩ ስኬቶችና ያጋጠሙ እንቅፋቶችን የሚዳስስ ውይይት የሁለቱ ሀገራት የጉምሩክ አመራሮች፣ ነጋዴዎች እና የሚዲያ ባለሙያዎች በተገኙበት ተደርጎ ችግሮች ስለሚፈቱበት አግባብም የመፍትሔ አቅጣጫ ተቀምጧል፡፡
በውይይቱ በጉምሩክ ኮሚሽን የዓለም አቀፍ ትብብር አጋርነት የስራ ሂደት አስተባባሪ አቶ አብርሐም ጉደታ የጋራ ፍተሻ ጣቢያ በሁለቱ ሀገራት መካከል የተቀናጀ የጉምሩክ እቃ አወጣጥ እንዲኖር በማስቻሉ የእርስ በእርስ የንግድ ልውውጥን እንደሚያሳድግ ገልጸዋል፡፡
የኬንያ ሞያሌ የተቀናጀ የድንበር አገልግሎት ሃላፊ ጆይል ኢንደጌ በበኩላቸው የሞያሌ የጋራ የፍተሻ ጣቢያ ህገወጥ የሰዎች ዝውውርን ያስቀረ ብሎም የአካባቢውን ሰላም በማስፈን ረገድ እያበረከተ ያለው አስተዋጽኦ ከፍተኛ ነው ብለዋል ፡፡
ሃላፊው የአገልግሎቱ መጀመር ከዚህ በፊት የነበረውን የተንዛዛ አሰራር በማስቀረቱ በቅንጅት ችግር ምክንያት ይባክን የነበረውን ጊዜ እና ወጪ እንደቀነሰ መግለፃቸውን ከጉምሩክ ኮሚሽን ያገኘነው መረጃ ያመላክታል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.