Fana: At a Speed of Life!

ዴሞክራቲክ ሪፐብሊክ ኮንጎ የምልክት ቋንቋን በስራ ቋንቋነት ልታካትት ነው

አዲስ አበባ፣ ነሐሴ 13፣ 2013 (ኤፍ ቢ ሲ) ዴሞክራቲክ ሪፐብሊክ ኮንጎ መንግስት ከስዋሂሊ፣ ሊንጋላ፣ ኪቱባ እና ቺሉባ ቋንቋዎች በተጨማሪ የምልክት ቋንቋንም በአምስተኛ የስራ ቋንቋነት ለመጠቀም ማቀዷን አስታወቀች።

የምልክት ቋንቋውን በትምህርት ስርዓት ውስጥ በማካተት ለመስጠት ማቀዷም ነው የተመላከተው፡፡

ዓላማውም የመንግስትን አገልግሎትን ለሚሹ መስማት የተሳናቸው የሀገሪቷ ዜጎች ምቹ ምኅዳር መፍጠር ነው ተብሏል፡፡

መስማት የተሳናቸው የሀገሪቷ ዜጎች የተግባቦት እክል ስለሚያጋጥማቸው ብቻ የመንግስትን አገልግሎት በቀላሉ ለማግኘት መቸገራቸውን የሀገሪቷ የአካል ጉዳተኞች ሚኒስትር ለቢቢሲ ተናግረዋል፡፡

መስማት የተሳናቸው የሀገሪቷ ዜጎች ራሳቸውን ለመግለፅ በመቸገራቸው ብቻ መታከም እየቻሉ ሕይወታቸው ሲያልፍ፣ በፍርድ ቤት ሂደት መከራከር ሲኖርባቸው ሲረቱ የቆዩ የተዘነጉ ዜጎች መሆናቸውንም አንስተዋል።

በሀገሪቷ ትምህርት ቤቶች የሚሰጡ ወጥ የምልክት ቋንቋ ምልክቶችን ቀርጾ ተግባራዊ ለማድረግም የምልክት ቋንቋ ምሁራን ለአንድ ወር ይሰባሰባሉ ተብሏል።

የሀገሪቷ መንግስትም በቀጣይ የምልክት ቋንቋ መዝገበ ቃላት ይፋ ለማድረግ ዕቅድ እንዳለው ተገልጿል፡፡

እንደ ዓለም ጤና ድርጅት የፈረንጆቹ የ2012 ሪፖርት በዴሞክራቲክ ሪፐብሊክ ኮንጎ 2 ሚሊየን የሚሆኑ አይነ ስውራን እና መስማት የተሳናቸው ዜጎች ይኖራሉ፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.