Fana: At a Speed of Life!

አቶ ሙስጠፌ መሃመድ ከተመራቂ ተማሪዎች ጋር ተወያዩ

አዲስ አበባ፣ ነሐሴ 13፣ 2013 (ኤፍ ቢ ሲ) የሶማሌ ክልል ምክትል ርዕሰ መስተዳድር አቶ ሙስጠፌ መሃመድ ዘንድሮ ከተለያዩ ዩኒቨርሲቲዎች እና ኮሌጆች ከተመረቁ ተማሪዎች ጋር ተወያዩ።
የውይይቱ ዓላማ ለተመራቂ ተማሪዎቹ በወቅታዊ ሀገራዊና ክልላዊ ጉዳዮች ገለፃ ማድረግ፣ በክልሉ የመንግሥት መስሪያ ቤቶች ለተመራቂዎቹ የስራ እድል መንግሥት እያመቻቸ መሆኑን ገለፃ ማድረግ መሆኑ ታውቋል፡፡
በመድረኩ አቶ ሙስጠፌ መሃመድ ÷ የክልሉ መንግሥት ለተመራቂዎቹ የስራ እድል ለመፍጠር ዝግጁ እንደሆነ ገልፀው ተመራቂዎቹም በሚመደቡበት ቦታ ሁሉ ለህዝባቸው በቅንነት እንዲያገለግሉ ጥሪ አቅርበዋል።
የሶማሌ ክልል ሲቪል ሰርቪስ ቢሮ ኃላፊ አቶ አብዱልቃድር አብዲ ÷በዚህ አመት በክልሉ የመንግሥት መዋቅር ከ3 ሺህ 500 በላይ አዳዲስ ተማሪዎች የስራ እድል ለመፍጠር መዘጋጀቱን ገልፀዋል።
በሌላ በኩል በተለያዩ የስራ መስኮች 120 ሺህ ወጣቶች የስራ እድል ለመፍጠር መታሰቡን የሶማሌ ክልል የስራ እድል ፈጠራና ኢንተርፕራይዞች ልማት ኮሚሽን ኮሚሽነር ወይዘሮ ሂቦ አህመድ መናገራቸውን የሶማሌ ክልል ብዙሃን መገናኛ ዘግቧል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.