Fana: At a Speed of Life!

በአማራ ክልል የመኸር ምርት በትኩረት እየተሰራ ነው ተባለ

አዲስ አበባ፣ ነሃሴ 13፣ 2013(ኤፍ ቢ ሲ) በአማራ ክልል ግብርና ቢሮ ከህልውና ማስከበር ዘመቻው ትይዩ የ2013/14 መኸር ምርት ልማት ሥራ የተለየ ትኩረት ተሰጥቶ እየተሰራ ይገኛል፡፡

የክልሉ ግብርና ቢሮ በ2013/14 ዓ.ም መኸር ምርት ዘመን 4ነጥብ 59 ሚሊየን ሄክታር ማሳ በማልማት 131 ሚሊየን ኩንታል ምርት ለማምረት ግብ አስቀምጦ በርካታ ስራዎችን እየሰራ እንደሚገኝ ተገልጿል፡፡

በአሸባሪው ህወሓት ትንኮሳ በተለያዩ የክልሉ አካባቢዎች መደበኛው የግብርና ልማት ስራ እየተስተጓጎለ መሆኑን እና አጠቃለይ የተከሰተውን ችግር ለመቋቋም ምን እና እንዴት አይነት ስልት መከተል እደሚገባ የቢሮው ኃላፊ ዶክተር መለሰ መኮንን ገልጸዋል፡፡

ኃላፊው እንደገለጹት÷ የግብርናውን ልማት ዘርፍ ልክ እንደ ህልውና ጦርነቱ ሁሉ የተለየ ትኩረት ተሰጥቶት መስራት ይገባል ብለዋል ፡፡

በአሁኑ ወቅት በክልሉ ግብርና ቢሮ ከህልውና ማስከበር ዘመቻው ትይዩ የ2013/14 መኸር ምርት ልማት ሥራ የተለየ ትኩረት ተሰጥቶ እየተሰራ እንደሚገኝ ኪቢሮው ያገኘነው መረጃ ያመለክታል፡፡

አሸባሪው የትህነግ ቡድን ከወረራቸው አካባቢዎች ውጪ በሁሉም ዞንና ወረዳዎች የግብርና ልማት ሥራው የተለየ ትኩረት አግኝቶ እየተሰራ እንደሆነ ተናግረዋል ፡፡

ችግር ውስጥ የገቡ የክልሉ አካባቢዎችም ከሚመለከተው የፊደራል መንግስትና ሌሎች አካላት ጋር በመሆን የማካካሻ ዕቅድ እየታቀደ እንደሆነ ገልጸዋል፡፡

‘’በክልሉ ህዝብ ብሎም እንደ ሀገር የተደቀነብንን አደጋ በመመከት አመርቂ የግብርና ልማት ስራ በመስራት ይሄንን ጊዜ መሻገር አለብን’’ ሲሉ የቢሮ ኃላፊው አፅንኦት ሰጥተዋል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.