Fana: At a Speed of Life!

የህወሓት ቡድንና መሰሎቹ የኢትዮጵያ ህዝብ ጠላቶች በመሆናቸው ሊወገዱ ይገባል- የሲዳማ ክልል ነዋሪዎች

አዲስ አበባ ፣ ነሀሴ 14 ፣ 2013 (ኤፍ.ቢ.ሲ) የህወሓት ቡድንና መሰሎቹ የኢትዮጵያ ህዝብ ጠላቶች በመሆናቸው ሊወገዱ ይገባል ሲሉ የሲዳማ ክልል ነዋሪዎች ተናገሩ።
ዛሬ የመከላከያ ሠራዊትን በሚደግፍ ፣ የህወሓት ቡድንና መሠሎቹን በሚቃወመው ሰላማዊ ሰልፍ ላይ የተገኙ የክልሉ ነዋሪዎች ለሀገራቸው የሚችሉትን ሁሉ በማድረግ አሸባሪዎችን ለመደምሰስ ቁርጠኛ መሆናቸውን ተናግረዋል።
ዛሬ የህወሓት መቀበሪያ እለት ነው ሲሉ የገለፁት ነዋሪዎችም የሽብርተኛው ቡድን ሴራና የክፋት ተግባር አብቅቶለታልም ነው ያሉት።
የትግራይ ህዝብ ወገናችን ነው ጁንታው ጠላታችን ነው ብለዋል።
የሲዳማ ክልል ርዕሰ መስተዳደር አቶ ደስታ ሌዳሞ ፥ የህወሓት ቡድን እስኪጠፋ ትግላችን ይቀጥላል ሲሉ ገልጸዋል።
የህወሓት ቡድን ለማጥፋት የሚደረገው ትግል በድል እንደሚጠናቀቅ እውን ነው ያሉት ርዕሰ መስተዳድሩ፥ ህወሓትና መሠሎቹን ማስወገድ ያስፈልጋልም ነው ያሉት።
ህወሓት በመቀሌ ብቻ የሚገኝ ባለመሆኑም በውስጣችን ሆነው የእሱን ተልኮ የሚያስፈፅሙ ተላላኪዎችን ተግባር በንቃት መከታተልና መመከት ያስፈልጋል ሲሉ ተናግረዋል።
ህወሓትና ሸኔን ለመመከትና የመከላከያ ሰራዊትን ለመደገፍ ህዝቡ እያደረገ ያለውን ድጋፍ አጠናክሮ ሊቀጥል ይገባል ብለዋል።
በሀዋሳ አለም አቀፍ እስታዲየም ሲካሔድ የነበረው ሰልፍ ተጠናቋል ።
በብርሃኑ በጋሻው

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.