Fana: At a Speed of Life!

የአሸባሪው ትህነግ እና የሸኔ ትንኮሳ በመቃወም በዱከም ከተማ ሰልፍ ተካሄደ

አዲስ አበባ ፣ ነሀሴ 14 ፣ 2013 (ኤፍ.ቢ.ሲ) የአሸባሪውን ትህነግ እና የ ሸኔን ትንኮሳ በመቃወም በዱከም ከተማ ሰልፍ ተካሄደ።

የትህነግን ትንኮሳ ለመመከት ከሀገር መከላከያ ጎን በመቆም እንደሚታገሉ በዱከም ከተማ በተካሄደው ሰልፍ ላይ  የተገኙ ነዋሪዎች ገልጸዋል፡፡

በሰልፉ ላይ ከዱከም ከተማ እና ከአካባቢው የተውጣጡ ነዋሪዎች ተሳትፈዋል።

በሰልፉ “አሸባሪው ሸኔና ህወሓት የኢትዮጵያ ህዝብ ጠላቶች ናቸው፣ “በውድ መስዋዕትነት የተጎናፀፍነውን ነፃነት በመስዋዕትነታችን እንጠብቃለን፣ “ወያኔን ባስወገድነው የተባበረ ክንዳችን ሸኔን እንነቅላለን፣ “ሸኔ አፋን ኦሮሞ ተናጋሪ ወያኔ ነው፣ “ሸኔና ወያኔ የኢትዮጵያ ታሪካዊ ጠላቶችና ቅጥረኞች ናቸው “እና” የኢትዮጵያ ብልፅግና በውስጥና በውጭ ጠላቶች አይደናቀፍም” የሚሉ መፈክሮች ተሰምተዋል።

በድጋፍ ሰልፉ ላይ ተገኝተው ንግግር ያደረጉት የዱከም ከተማ ከንቲባ አቶ ተሾመ ግርማ፥ ህዝቡ የሸኔን እና የወያኔን ጥምረት በመቃወም እና ሠላሙን ለማስጠበቅ ያለውን ቁርጠኛ አቋም በማሳየቱ አመስግነዋል ።

ኢትዮጵያን ለማፍረስ የሚደረገውን የአሸባሪ ቡድኖች አካሄድ ማክሸፍ የሚቻለው እንደ አሁኑ ሁሉም በጋራ ሲሰራ መሆኑን ገልጸዋል።

“ከወደቁ በኋላ ለመነሳት መፍጨርጨር ለመላላጥ” በመሆኑ ይህ የጥፋት ቡድን ከእነእኩይ ስራው በወደቀበት ተቀብሮ እንዲቀር ህዝቡ በጀመረው አግባብ የበኩሉን እንዲወጣ  ከንቲባው ጥሪ አቅርበዋል።

በትዝታ ደሳለኝ

You might also like

Leave A Reply

Your email address will not be published.