Fana: At a Speed of Life!

የጉለሌ ክፍለ ከተማ ለሀገር መከላከያ ሰራዊት ከ60 ሚሊየን ብር በላይ የሚገመት የስንቅ ድጋፍ አደረገ

አዲስ አበባ ፣ ነሀሴ 14 ፣ 2013 (ኤፍ.ቢ.ሲ)  የጉለሌ ክፍለ ከተማ  ለሀገር መከላከያ ሰራዊት ከነዋሪዎቹ ያሰባሰበውን ከ60 ሚሊየን ብር በላይ የሚገመት 265 ሰንጋ በሬዎችን እና ሌሎች የአይነት ድጋፍ  አደረገ።

ድጋፉን በምክትል ከንቲባ ማዕረግ የዴሞክራሲ ስርዓት ግንባታ ማዕከል አስተባባሪ አቶ መለስ ዓለሙ እና የጉለሌ ክፍለ ከተማ ዋና ስራ አስፈጻሚ አቶ አባወይ ዮሀንስ ለመከላከያ ሰራዊት ድጋፍ አሰባሳቢ ኮሚቴ ሰብሳቢ ብርጋዴር ጀኔራል አስረስ አያሌው አስረክበዋል ።

በምክትል ከንቲባ ማዕረግ የዴሞክራሲ ስርዓት ግንባታ ማዕከል አስተባባሪ አቶ መለስ ዓለሙ፥ሀገርን በነፃነቷ ለማስቀጠል አሁን ያለው ትውልድ ልክ እንደአያቶቹ ተፋልሞ ሉዓላዊነቷን ዳግም የሚያረጋግጥበት ምዕራፍ ላይ ይገኛል ብለዋል፡፡

ሁሉም ዜጋ አካባቢውን እንዲሁም ሀገሩን በንቃት እንዲጠብቅ ጥሪ አቅርበዋል ።

የክፍለ ከተማው ዋና ስራ አስፈፃሚ አቶ አባወይ ዮሃንስ በበኩላቸው ፥በአስሩም  ወረዳዎች የሚገኙ የክፍለ ከተማው ነዋሪዎች 60 ሚሊየን 154 ሺህ በላይ ብር በማሰባሰብ ፥265 ሰንጋዎችን ጨምሮ ከ600 በላይ በግ ፣ፍየሎች ፣ሌሎች የአይነት እና  ድጋፍ ማሰባሰባቸውን ገልፀዋል፡፡

በርካታ ቁጥር ያላቸው የክፍለ ከተማው ወጣቶችም የሀገር መከላከያ ሰራዊቱን ለመቀላቀል ወደ ስልጠና ማዕከላት መግባታቸውንም ስራ አስፈፃሚው ተናግረዋል፡፡

ለመከላከያ ሰራዊት ድጋፍ አሰባሳቢ ኮሚቴ ሰብሳቢ ብርጋዴር ጀኔራል አስረስ አያሌው በበኩላቸው ክፍለ ከተማው ላደረገው ድጋፍ ምስጋናማቅረባቸውን ከከተማ አስተዳደሩ ፕሬስ ሰክሬተሪያት ያገኘነው መረጃ ያመላክታል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

 

You might also like

Leave A Reply

Your email address will not be published.