Fana: At a Speed of Life!

የባህርዳር ከተማ አስተዳደር ለህልውና ዘመቻ የሚውል 103 ሚሊየን ብር ሰበሰበ

አዲስ አበባ ፣ ነሐሴ 14 ፣ 2013 (ኤፍ ቢ ሲ) የባህርዳር ከተማ አስተዳደር ለህልውና ዘመቻ አገልግሎት የሚውል 103 ሚሊየን ብር ገንዘብ መሰብሰቡን አስታወቀ፡፡
 
በከተማ ደረጃ ለህልውና ዘመቻው ነዋሪዎችን በማስተባባር 193 ሚሊየን ለመሰብሰብ መታቀዱን የከተማ አስተዳደሩ የመንግስት ኮሙዩኒኬሽን ጉዳዮች ጽህፈት ቤት ሃላፊ አቶ ዘመነ ዘውዱ ተናግረዋል፡፡
 
ሃላፊው ከፋና ብሮድካስቲንግ ኮርፖሬት ጋር ባደረጉት ቆይታ ÷ እስከ አሁን ለህልውና ዘመቻው 103 ሚሊየን ብር መሰብሰብ መቻሉን ገልጸዋል፡፡
 
አሸባሪውን የህወሓት ቡድን ለመደምሰስ በሚደረገው የህልውና ዘመቻ የከተማው ማህበረሰብ እያደረገ ያለው ተሳትፎ የሚደነቅ ነው ያሉት አቶ ዘመነ÷ በቀጣይም ተጠናክሮ መቀጠል አለበት ብለዋል።
 
በግንባር ለሚፋለመው የጸጥታ ሃይል ለምግብነት የሚያገለግል በሰሜንና በደቡብ ግንባር 1 ሺህ 400 ኩንታል ስንቅ ማድረስ መቻሉን ጠቁመዋል፡፡
 
ሃብት ማሰባሰብ እና ስንቅ ዝግጅት ጎን ለጎን የባህር ዳር ከተማ ህዝብ ከጽጥታ ሃይሉ ጋር በመቀናጀት በዋና ዋና በሮች ሰርጎ ገቦቸ ጥቃት እንዳያደርሱ በንቃት እየጠበቀ መሆኑን አንስተዋል፡፡
 
እስከ አሁን በተደረገ የኬላ ፍተሻም የሽብር ቡድኑ ተላላኪዎች ተይዘው ምርመራ እየተደረገባቸው መሆኑን ገልጸዋል፡፡
 
በተመሳሳይ በባህርዳር ከተማ የጣና ክፍለ ከተማ ህዳሴ ቀበሌ እናቶች ለህልውና ዘመቻው ለሚሳተፉ የጸጥታ አካላት ስንቅ እያዘጋጁ ነው፡፡
 
ስንቅ የሚያዘጋጁ እናቶች ከፋና ብሮድካስቲንግ ኮርፖሬት ጋር ባደረጉት ቆይታ÷ ህወሓትን ለመዋጋት በግንባር ለሚሳተፉ የመከላከያ ሰራዊት፣ አማራ ልዩ ሃይል፣ ፋኖና ሚሊሻ አባላት ስንቅ በማዘጋጀት አጋርነታቸውን እያሳዩ መሆኑን ገልጸዋል።
 
የሽብር ቡድኑ የኢትዮጵያ ጠላት ነው ያሉት እናቶች÷ ይህን ለማጥፋት ከስንቅ ማዘጋጀት ባለፈ በግንባር ለመፉለም ዝግጁ ነን ብለዋል።
 
በምናለ አየነው
 
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.