Fana: At a Speed of Life!

በባህርዳር የተፈጠረውን የኑሮ ውድነት ለማረጋጋት ሸማች ማህበራት በተመጣጣኝ ዋጋ እንዲያቀርቡ እየተደረገ ነው

አዲስ አበባ ፣ ነሀሴ 14 ፣ 2013 (ኤፍ.ቢ.ሲ) የህልውና ዘመቻውን መሰረት አድርጎ በባህር ዳር ከተማ የተፈጠረውን የኑሮ ውድነት ለማረጋጋት ሸማች ማህበራት ምርቶችን በተመጣጣኝ ዋጋ እንዲያቀርቡ እያደረገ መሆኑን የባህርዳር ከተማ ህብረት ስራ ማህበራት ተጠሪ ጽህፈት ቤት አስታወቀ።

የተጠሪ  ጽህፈት ቤቱ  የማህበራት ቡድን መሪ አቶ አበራ ደባስ፥ በከተማው የሚንቀሳቀሱ የተለያዩ የማህበራት አደረጃጀቶች ለህልውና ዘመቻው 789 ሺህ 542 ብር ድጋፍ ማድረጋቸውን ተናግረዋል።

የህልውና ዘመቻውን መሰረት አድርጎ የተፈጠረውን የኑሮ ውድነት ለማረጋጋት በከተማዋ የተደራጁ ሸማች ማህበራት በተመጣጣኝ ዋጋ ምርት ለህብረተሰቡ እንዲያቀርቡ እየተሰራ መሆኑን ቡድን መሪው በተለይ ለፋና ብሮድካስቲንግ ኮርፖሬት ገልጸዋል።

105 ኩንታል ስኳር ፣ 5 ሺህ ሊትር ዘይት እና ሌሎች መሰረታዊ የፍጆታ እቃዎች በሸማች ማህበራት በኩል በአሁኑ ሰዓት  እየቀረቡ ነው።

የተረጋጋ የዋጋ ሁኔታ በምርቶች እስከሚፈጠር ድረስ ተጠሪ ፅህፈት ቤቱ አሁን የጀመራቸውን ጥረቶች እንደሚቀጥል ተገልጿል።

በተጠናቀቀው በጀት ዓመት የሸማች ማህበራትን የፋይናንስ ዕጥረት ለመፍታት የከተማ አስተዳደሩ 3 ሚሊየን ብር መደጎሙን ቡድን መሪው አስታውሰዋል።

በምናለ አየነው

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.