Fana: At a Speed of Life!

የትራፊክ መቆጣጠሪያ ማዕከል ህንጻ ግንባታ በሶስት ወራት ውስጥ ተጠናቆ አገልግሎት ይሰጣል

አዲስ አበባ ፣ ነሀሴ 14 ፣ 2013 (ኤፍ.ቢ.ሲ) የአዲስ አበባ ከተማ ትራፊክ መቆጣጠሪያ ማዕከል ህንጻ ግንባታ በሶስት ወራት ውስጥ ተጠናቆ አገልግሎት መስጠት ይጀምራል።

የትራፊክ መቆጣጠሪያ ማዕከሉ ግንባታው 60 በመቶ የተጠናቀቀ ሲሆን፥ በመጪው ህዳር ተጠናቆ አገልግሎት እንዲሰጥ ርብርብ በመደረግ ላይ ነው፡፡

ማዕከሉ ከመሬት በታች አራት ወለሎች ሲኖሩት፥ የአራቱም ወለል ስራዎች በመጠናቀቅ ላይ ይገኛሉ፡፡

ፕሮጀክቱ ተጠናቅቆ ለአገልግሎት ሲበቃ በከተማዋ የሚታየውን የትራፊክ ፍሰት መሻሻል የሚደረጉትን ስራዎች በከፍተኛ ደረጃ የሚያግዝ ይሆናል፡፡

አዲስ አበባንም በአለማችን ላይ በትራፊክ ቁጥጥር ስርዓታቸው አንቱ ከተባሉት ዘመናዊ ከተሞች ጎራ ይቀላቅላታል ተብሎ ይጠበቃል ነው የተባለው

ከዚያም ባለፈ ለአካባቢውም የተለየ ገጽታ ይሰጣል፡፡

ማዕከሉ የከተማዋን የትራፊክ እንቅስቃሴ በመቆጣጠር ከሚያበረክተው አስተዋጽኦ በተጨማሪ በከተማዋ የጸጥታ፣ የአደጋ ቁጥጥር እና የወንጀል ቁጥጥር ስራዎችም ላይ ከፍተኛ ፋይዳ ይኖረዋል፡፡

ህንጻው ዘመናዊ የደህንነት እና የትራፊክ መቆጣጠሪያ መሳሪያዎች ተግባራዊ ይደረግበታል፡፡

በተለይም በማዕከሉ ውስጥ በሚገኘው የትራፊክ መቆጣሪያ ማዕከል ክፍል ውስጥ በሚገጠሙ ግዙፍ የቴሌቪዥን ስክሪኖች አማካኝነት የከተማዋን የትራፊክ እንቅስቃሴ ቀጥተኛ በሆነ መልኩ ማየትና መቆጣጠር የሚቻል በመሆኑ የከተማዋን ትራፊክ ቁጥጥር ለማዘመን የሚደረገውን ጥረት በላቀ መልኩ ያግዛል ተብሎ ይታመናል፡፡

በትራፊክ ማዕከሉ ውስጥ የትራፊክ መረጃዎችን የመሰብሰብ፣ የትራፊክ መብራቶችን የቆይታ ጊዜ እንደ ትራፊክ ፍሰቱ መጠን የመቀያየርና ልዩ ልዩ የትራፊክ ፍሰት ማስተካከያ እርምጃዎች እንዲወሰዱ የማድረግ ስራም ይከናወንበታል፡፡

በተጨማሪም አሽከርካሪዎች የመንገዶችን የትራፊክ ሁኔታ ቀድመው እንዲያውቁና አማራጭ መንገዶችን እንዲፈልጉ መረጃ የመስጠት፣ የትራፊክ ህጎችን የሚተላለፉ አሽከርካሪዎችን የመለየት እንዲሁም የትራፊክ ፍሰት፣ የአደጋ እና የደህንነት መረጃዎች ወደሚመለከታቸው ልዩ ልዩ ተቋማት በጊዜው እንዲተላለፉ ማድረግ ያስችላል፡፡

ለማዕከሉ ህንጻ ግንባታ በአዲስ አበባ ከተማ አስተዳደር በተመደበ 831 ሚሊየን ብር ወጪ እየተከናወነ ነው፡፡

ግንባታውን ቻይናው የኮሙዩኒኬሽን እና ኮንስትራክሽን ኩባንያ (ሲ ሲ ሲ ሲ) እያከናወነው እንደሚገኝ ከትራንስፖርት ቢሮ ያገኘነው መረጃ ያመላክታል ።

 

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!

 

You might also like

Leave A Reply

Your email address will not be published.