Fana: At a Speed of Life!

በሎጊያ ከተማ ተጠልለው ለሚገኙ 2 ሺህ ተፈናቃዮች የማዕድ ማጋራት መርሃ ግብር ተካሄደ

አዲስ አበባ፣ ነሐሴ 14፣ 2013 (ኤፍ ቢ ሲ) አሸባሪው ህወሓት በአፋር ክልል በፈጸመው ወረራ ተፈናቅለው በሎጊያ ከተማ ተጠልለው ለሚገኙ 2 ሺህ ወገኖች ዛሬ የማዕድ ማጋራት መርሃ ግብር ተካሄደ።
 
መርሃ ግብሩን ያዘጋጁት የአይሳኢታ ወረዳ ሴቶች ሆናቸውን የመርሃ ግብሩ አስተባባሪ ወይዘሮ ፋጡማ መሐመድ ገልጸዋል።
 
የወረዳው ሴቶች መርሃ ግብሩን ያካሄዱት ከንግዱ ማህበረሰብ፣ ባለሃብቶችና ሌሎች የህብረተሰብ ክፍሎች ባሰበሰቡት ድጋፍ መሆኑን አስታውቀዋል።
 
በተጨማሪም ለተፈናቃዮቹ የአልባሳት ድጋፍ ተደርጓል።
 
የምግብ ማጋራት መርሃ ግብሩ ወደፊትም ይቀጥላል ብለዋል።
 
ከጉሊና ወረዳ የተፈናቀሉት አቶ መሐመድ ሁመድ በሰጡት አስተያየት ”ድጋፉ ወገናችን ከጎናችን መሆኑን ያረጋገጥንበት ነው” ሲሉ ተናግረዋል።
 
በጦርነቱ ተደናግጠን ከቤታችን በለበስነው ልብስ የወጣን በመሆኑ ሁሉም የሚችሉት ካደረጉ ችግራችን በቀላሉ ይቃልልናል፤ የዚህ ዓይነት መልካም ተግባራት ተጠናክረው ሊቀጥሉ ይገባል ማለታቸውን ኢዜአ ዘግቧል፡፡
 
ከችግር እስኪወጡ ወገን አቅሙ የፈቀደውን ያህል ድጋፍ እንዲያደርግላቸው የሚፈልጉ መሆናቸውን የገለጹት ደግሞ ሌላዋ የማዕዱ ተካፋይና ከእዋ ወረዳ የተፈናቀሉት ወይዘሮ ከዲጋ ገዶ ናቸው።
 
በመጠለያው ከጉሉና፣ ያሎ፣ እዋና አውራ ወረዳዎች የተፈናቀሉ ዜጎች እንደሚገኙ ተመልክቷል።
 
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.