Fana: At a Speed of Life!

የደቡብ ክልል ጤና ቢሮ የ2013 ዓ.ም እቅድ አፈፃፀምና የ2014 በጀት አመት እቅድ ላይ እየመከረ ነው

አዲስ አበባ ፣ ነሐሴ 15 ፣ 2013 (ኤፍ ቢ ሲ) የደቡብ ክልል ጤና ቢሮ ምክትል ቢሮ ሀላፊና የበሽታ መከላከል ዘርፍ ሀላፊ አቶ መና መኩሪያ በአመቱ የቲቢ በሽታን በ67 በመቶ ፣ የእናቶችን ሞት 40 በመቶ እንዲሁም የህፃናት ሞትን 21 በመቶ መቀነስ መቻሉን ተናግረዋል።

የቅድመ ወሊድ አገልግሎት በአመቱ ከታቀደው አንጻር ዝቅተኛ በመሆኑ ዘርፉ ትልቅ ትኩረትና ርብርብ ያስፈልገዋል ብለዋል።

በጤና ተቋማትና በጤና ባለሙያ በመታገዝ የሚወልዱ እናቶችን ቁጥር ለመጨመር በተሰራው ስራ 79 በመቶ የሚሆኑት በጤና ተቋማት መውለዳቸውን ጠቅሰው አሁንም በወሊድ ምክንያት የሚከሠትን የእናቶች ሞት ለመቀነስ በትኩረት መስራት እንደሚገባ ገልፀዋል።

የክልሉ ጤና ቢሮ ሀላፊ አቶ አቅናው ካውዛ በበኩላቸው÷ በጤናው ዘርፍ የሚታየውን ጉድለት በተለይ ወርሽኝንና የእናቶችን ሞት ለማስቀረት የሁሉም ትኩረት አስፈላጊ መሆኑን ጠቁመዋል። በክልሉ የሚስተዋለውን የክትባት አሰጣጥ ለማሻሻል፣ በተለይም የሴት ልጆች የማህፀን በር ካንሰር ክትባት፣ የኮሮና ቫይረስ ክትባትና የኩፍኝ ክትባቶችን ለመስጠት የተደረገው ሙከራ ዝቅተኛ በመሆኑ የማህበረሰብ ንቃተ ህሊና መስራት እንደሚያስፈልግም አስገንዝበዋል።

በጥላሁን ይልማ እና ማቴዎስ ፈለቀ

 

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

 

You might also like

Leave A Reply

Your email address will not be published.