Fana: At a Speed of Life!

ወ/ሮ አዳነች በኑሮ ውድነት መንስኤዎች ዙሪያ ከንግዱ ማህበረሰብ አባላት ጋር ተወያዩ

አዲስ አበባ፣ ነሐሴ 15፣ 2013 (ኤፍ ቢ ሲ) የአዲስ አበባ ምክትል ከንቲባ ወ/ሮ አዳነች አቤቤ በመዲናዋ በሚስተዋለው የኑሮ ውድነት ምክንያቶችና መፍትሄዎች ዙሪያ ከንግዱ ማህበረሰብ አባላት ጋር ተወያዩ፡፡
 
በውይይት መድረኩም በኢኮኖሚው አሻጥር የኑሮ ውድነት እንዲፈጠርና ሕዝብ እንዲማረር የሚያደርጉ ጫናዎች እየተፈጠሩ መሆኑ ተመላክቷል፡፡
 
ወይዘሮ አዳነች የንግዱ ማህበረሰብ ሀገሪቷ ያለችበትን ሁኔታ በመገንዘብ ከትርፍ ይልቅ ሀገርን እና ሕዝብን ማስቀደም እንዳለበት ተናግረዋል፡፡
 
የኢኮኖሚ አሻጥር በመፍጠር፣ ምርቶችን በመደበቅ ገበያ እንዳይረጋጋ እና የኑሮ ውድነት እንዲንር የሚጥሩ ስግብግብ ነጋዴዎች ከጁንታው ለይተን አናያቸውም ነው ያሉት፡፡
 
ኢኮኖሚ አሻጥሮችን በመፍጠር ያለ አግባብ የዋጋ ጭማሪ የሚያደርጉ እና ሰው ሰራሽ የምርት አቅርቦት እጥረት የሚፈጥሩ አካላትን የሚከታተል እና የሚቆጣጠር ግብረ ሃይል መዋቀሩንም በማህበራዊ ትስስር ገጻቸው ላይ አስፍረዋል፡፡
 
ከሁሉም ክፍለ ከተሞች የተውጣጡ አስመጪና ላኪዎች፣ አከፋፋዮች እና የንግዱ ማህበረሰብ ተወካዮች ምርት በማሸሽ፣ ምክንያታዊ ያልሆነ የዋጋ ጭማሪ በማድረግና የንግድ ሰንሰለቱን በማርዘም የዋጋ ንረት እንዲፈጠር የሚያደርጉ ነጋዴዎች ላይ ጥብቅ ክትትል እና ቁጥጥር ለማድረግ ሃላፊነታቸውን እንደሚወጡ ቃል ገብተዋል።
 
የከተማዋ ነዋሪም የኢኮኖሚ አሻጥሩን እና የሚያስከትለውን የዋጋ ንረት በመቆጣጠር ረገድ ከግብረ ሃይሉ ጋር በትብብር እንዲሰራ ጥሪ አቅርበዋል፡፡
 
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.