Fana: At a Speed of Life!

በአማራ ክልል የተፈናቀሉ 485 ሺህ ዜጎችን ለመደገፍ ጥረት እያደረገ መሆኑን የክልሉ መንግስት ገለጸ

አዲስ አበባ፣ ነሐሴ 15፣ 2013 (ኤፍ ቢ ሲ) በአሸባሪው ህወሓትትንኮሳ ምክንያት የተፈናቀሉ 485 ሺህ ዜጎችን ለመደገፍ ጥረት እያደረገ መሆኑን የአማራ ክልል መንግስት አስታውቋል፡፡

የክልሉ መንግሥት ኮሙዩኒኬሽን ጉዳዮች ጽህፈት ቤት ዋና ዳይሬክተር አቶ ግዛቸው ሙሉነህ ÷ የአማራ ህዝብ ጦርነቱን ህዝባዊ በማድረግ አሸባሪውን የህወሓት ቡድን በፍጥነት እያጠቃ መሆኑን ተናግረዋል፡፡

በተጠና መንገድ የሚመራው ጦርነቱ በድል እንዲጠናቀቅ ህዝባዊ ደጀንነቱን ባረጋገጠ መልኩ የክልሉ ህዝብ እያደረገ ያለው ድጋፍ በተጠናከረ መንገድ መቀጠሉ የሚደነቅ ነው፤ ተጠናክሮ መቀጠል አለበትም ነው ያሉት፡፡

የክልሉ መንግስት የተፈናቀሉ 485 ሺህ ዜጎችን ለመደገፍ ጥረት እያደረገ መሆኑን የገለጹት ዳይሬክተሩ÷ በአንጻሩ ዓለም አቀፍ የእርዳታ ድርጅቶች ተገቢውን ድጋፍ እያደረጉ አይደለም ብለዋል፡፡

ዓለምአቀፍ ተቋማት አሸባረው ቡድን በንጹሃን ላይ ያነጣጠረ ጥቃት እየፈጸመ ድርጊቱን ማውገዝ ሲኖርባቸው ዝምታን መምረጣቸው ኢፍትሃዊ እንደሆነም አንስተዋል፡፡

አሸባሪው የህውሓት ቡድን የአማራን ህዝብ ከመውረሩ ባለፈ በተለያዩ ከተሞች የግለሰቦችን እና የተቋማትን ሃብት በመዝረፍና በማውደም የክልሉን ኢኮኖሚ ለማዳከም እየሰራ መሆኑንም አመላክተዋል፡፡

በርካታ የሽብር ቡድኑ ተላላኪዎች እና የውስጥ ባንዳዎች በቁጥጥር ስር እየዋሉ ነው ያሉት አቶ ሙሉነህ÷ ህዝቡ የጀመረውን ጥቆማና መረጃ የመስጠት ተግባር አጠናክሮ እንዲቀጥል ጠይቀዋል።

የህልውና ዘመቻው እስኪጠናቀቅ ድረስ የክልሉ ህዝብ ሁሉን አቀፍ ድጋፉን አጠናክሮ እንዲቀጥልም የክልሉ መንግስት ጥሪ አቅርቧል።

በምናለ አየነው

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.