Fana: At a Speed of Life!

የኦሮሚያ ትራንስፖርት ባለስልጣን ለመከላከያ ሠራዊት ከ9 ሚሊየን ብር በላይ ድጋፍ አደረገ

አዲስ አበባ፣ ነሐሴ 15፣ 2013 (ኤፍ ቢ ሲ) የኦሮሚያ ትራንስፖርት ባለስልጣንና ተጠሪ ተቋማት እንዲሁም በዘርፉ የተሰማሩ ባለሀብቶች ለሀገር መከላከያ ሠራዊት ከ9 ሚሊየን ብር በላይ ድጋፍ አደረጉ።

በሀገራዊ ወቅታዊ ጉዳይ ዙሪያ በአዳማ ከተማ በተካሄደው ውይይት ወቅት የኦሮሚያ ትራንስፖርት ባለስልጣን ዋና ዳይሬክተር አቶ አብዱልቃድር ሁሴን ÷በሀገር መኖር፣ ሠርቶ ማግኘትና ነግዶ ማትረፍ የሚቻለው ሰላም ሲኖር ብቻ ነው ብለዋል፡፡

አሸባሪው ህወሓት የሰሜን እዝ መከላከያ ሰራዊት ላይ ያደረሰውን ጥቃት ለመመከትና ሀገርን ከአፍራሽ ሀይሎች ለመታደግ የክልሉ የትራንስፖርት ሴክተር ባለሀብቶች ወሳኝ ሚና መጫወታቸውን አውስተዋል።

አሁንም ለሁለተኛ ዙር በተለይ ሀገርን ለመታደግ ወደ መከላከያ የተቀላቀሉ ወጣቶችን ወደ ማሰልጠኛ ማዕከላት በፍላጎታቸው ከማጓጓዝና የትራንስፖርት አገልግሎት ከመስጠት ባለፈ የዓይነት ድጋፍ እያደረጉ መሆናቸውን አስረድተዋል።

ትናንት ደግሞ ሀገሪቱ ያለችበትን ወቅታዊ ሁኔታ በመገንዘብ የክልሉ የትራንስፖርት ሴክተሮች በራሳቸው ተነሳሽነት 9 ሚሊዮን ብር የገንዘብ ድጋፍ ማድረጋቸውን ኢዜአ ዘግቧል፡፡

ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

You might also like

Leave A Reply

Your email address will not be published.