Fana: At a Speed of Life!

አሸባሪው የህወሓት ቡድን በዓለም አቀፍ የሰብአዊ ድጋፍ በኩል ለሕብረተሰቡ የሚደርሱ ድጋፎችን ለሌላ ዓላማ እያዋለ ነው- የአደጋ ሥጋት ሥራ አመራር ኮሚሽን

አዲስ አበባ፣ ነሐሴ 16፣ 2013 (ኤፍ ቢ ሲ) አሸባሪው የህወሓት ቡድን በዓለም አቀፍ የሰብአዊ ድጋፍ በኩል ለሕብረተሰቡ የሚደርሱ ድጋፎችን ለሌላ ዓላማ እያዋለ መሆኑን የአደጋ ሥጋት ሥራ አመራር ኮሚሽን አስታወቀ።
መንግስት የተናጠል ተኩስ አቁም አድርጎ ከትግራይ ክልል ከወጣ በኋላ የተለያዩ ዓለም አቀፍ ተቋማት ምግብና ምግብ ነክ ያልሆኑ የሰብዓዊ እርዳታዎችን ሙሉ ለሙሉ እያቀረቡ ይገኛሉ።
ጥያቄው የአሸባሪው ህወሓት አመራር ለህዝቡ ሊደርስ የሚገባውን ሀይል ሰጪ ምግብ እንዴት አገኘ? ከሚለው ያልፋል።
ከአሜሪካ ህዝብና ከተቀሩ አገራት ህዝቦች “ለተረጂዎች” በሚል ሽፋን በሚሰበሰብ ገንዘብ አሸባሪዎችን የመቀለብ ያልተገባ ተግባር እንዴት ተፈፀመ ብሎም ዓለም አቀፉ ማህበረሰብ ሊጠይቅ ይገባል።
የብሄራዊ የአደጋ ስጋት ሥራ አመራር ኮሚሽነር ምትኩ ካሳ ስለጉዳዩ እንዳሉት፥ አምስቱ የእርዳታ ድርጅቶች በተሰማሩባቸው አካባቢዎች የሰጧቸውን እርዳታዎች ለተረጂው መድረሱን የማረጋገጥ ግዴታ አለባቸው።
በዚህም በትግራይ ክልል የሰብዓዊ እርዳት አቅርቦት ላይ የሚሰሩ ሁሉም አጋራት የስርጭት ሪፖርታቸውን እንዲያቀርቡ ቢጠየቁም እነርሱ ግን ይህን ግዴታ አላከበሩም።
ለትግራይ ህዝብ የእርዳታ ምግቡ በትክክል የመድረሱን ጉዳይ ሳያረጋግጡና ግዴታቸውን ሳይወጡ መንግስት ለመውቀስ ተደጋጋሚ ሙከራ እድርገዋል።
ይህም ባለመሆኑ ትላንት በደቡብ ጎንደር ከጋሳይ ግንባር የተማረከው የአሸባሪው ህወሓት ኮ/ል ገብረህይወት ገ/አላፍ በሚያዝበት ወቅት በንጥረ ነገሮች የበለፀገ ለእርዳታ የገባ አልሚ ምግብ አብሮ ተገኝቶበታል ብለዋል።
ይህም ዓለም አቀፍ የድጋፍ ሰጪ ተቋማት መንግስት ለዜጎች እርዳታ እንዳይደርስ የተለያዩ እንቅፋትቶችን ይፈጥራል በሚል የሚያቀርቡትን የተሳሳተ ውንጀላ ያጋልጠ ነው ብለዋል።
ከዚያም ባለፈ አሸባሪው ህወሓት ለትግራይ ህዝብ የሚላክን እርዳታ ለታጣቂዎቹ እያከፋፈለ መሆኑን የሚያረጋግጥ ፍንጭ መሆኑን ኮሚሽነር ምትኩ ገልጸዋል።
ከዚህ በኋላ የእርዳታ ድርጅቶች በተሰማሩባቸው አካባቢዎች የሰጧቸውን እርዳታዎች ለተረጂው መድረሱን የሚያረጋግጥ ሪፖርት የማቅረብ ግዴታ አለባቸው ብለዋል ኮሚሽነሩ።
የራሱን ሃላፊነት በአግባቡ ያልተወጣ ዓለምአቀፍ ተቋም እንዴት ሌላውን መውቀስ ይችላል? ለእርዳታ የመጣውን ለአሸባሪው እንዲደርስ እየሰሩ አልደረሰም ብሎ መጮህ አድሏዊነትን በጉልህ ያንጸባርቃል። የሳማንታ ጩሄትም ባህሪው ይህ ነው።
በአሁኑ ወቅት መንግስት የፍተሻ ጣቢያዎችን የስራ ጫና ለማቃለልና ፍጥነት እንዲኖረው ለማድረግ እየሰራ ነው።
እነርሱ የመንግስትን ስራ ከመደገፍ ይልቅ ለአሸባሪው ህወሃት ተቆርቋሪነታቸውን በተናበበ መልኩም እያሳዩን ነው ሲል ኢዜአ ዘግቧል።

ወታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!

 

You might also like

Leave A Reply

Your email address will not be published.