Fana: At a Speed of Life!

የደቡብ ክልል የ15 አመት የጤና ኤክስቴንሽን ፍኖተ ካርታን ይፋ አደረገ

አዲስ አበባ፣ ነሐሴ 16፣ 2013 (ኤፍ ቢ ሲ) የደቡብ ክልል ጤና ቢሮ የ15 አመት የጤና ኤክስቴንሽን ፍኖተ ካርታ ይፋ ማድረጉን አስታወቀ፡፡
የክልሉ ጤና ቢሮ የጤና ኤክስቴንሽን አስተባባሪ አቶ ዳዊት ኩስሜ ኢትዮጵያ ዉጤት ያስመዘገበችበት የጤና ኤክስቴንሽን ምንም እንኳን ብዙ ለውጥ ያመጣ ቢሆንም ይሰጥ የነበረው አገልግሎት የተቆራረጠ ነበር ብለዋል።
አዲሱ ፍኖተ ካርታም ይህን ችግር ለመቅረፍ ሁሉንም የጤና አገልግሎት በተለይ ቀድሞ በጤና ኬላዎች የማይሰጡ የነበሩት የማዋለድ መሰረታዊ የጤና አገልግሎት መስጠትን ያካትታል ብለዋል፡፡
ይህም የማህበረሰቡን የጤና አገልግሎት ችግር ይቀርፋል ተብሎ እንዲታመንበት አድርጎታል ሲሉም ገልፀዋል፡፡
በክልሉ ጤና ቢሮ የበሽታ መከላከልና ጤና ማጎልበት ዳይሬክቶሬት ዳይሬክተር አቶ ማሌ ማቴ አዲሱ ፍኖተ ካርታ ጥራት ያለው አገልግሎት በቀላሉ ለማዳረስ ታልሞ የተቀረጸ በመሆኑ ትልቅ መሰጠትና የሁሉንም አካላት ርብርብ ይጠይቃል ብለዋል።
የዞንና የወረዳ አመራሮች በበኩላቸው አዲሱ የጤና ኤክስቴንሽን ፍኖተ ካርታ ብዙ አገልግሎትን በአንድ ላይ ያካተተ በመሆኑ ለተግባራዊነቱ ኃላፊነታችን እንወጣለን ብለዋል፡፡
በክልሉ አዲሱን ፍኖተ ካርታ ተግባራዊ ለማድረግ ከፍተኛ ሀብትና ባለሙያ ያስፈልጋል ተብሏል፡፡
በጥላሁን ይልማ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.