Fana: At a Speed of Life!

በዕርዳታ ሰበብ የአሸባሪውን ወንጀል የሚደግፉ ተቋማት ከድርጊታቸው እንዲታቀቡ የሚጠይቅ የትዊተር ዘመቻ ተካሄደ

አዲስ አበባ፣ ነሐሴ 16፣ 2013 (ኤፍ ቢ ሲ) በዕርዳታ ሰበብ የአሸባሪውን ወንጀል ለመደገፍ የሚንቀሳቀሱ ተቋማት ከድርጊታቸው እንዲታቀቡ የሚጠይቅ አለም ዓቀፍ የትዊተር ዘመቻ ተካሄደ፡፡
ትናንት ማምሻውን በተጀመረውና በዋናነትም #StopWeaponizingAid በሚል መፈክር እስከ ዛሬ ረፋድ ድረስ ከ 80 ሺህ በላይ መልዕክቶች በተለያዩ የትዊተር ተጠቃሚዎች ተሰራጭቷል።
በዋናነት በእንግሊዝኛ እንዲሁም 2 በመቶው በአማርኛና ኢንዶኔዥያ ተደራሽ የሆነው ዘመቻ የ 80 ሺህ ትዊቶች የተደራሽ መጠን በድምሩ 635 ሚሊየን የደረሰ ነው።
በዘመቻው የተንፀባረቁ መልዕክቶች በስፋት ተደራሽና በትዊተር መነጋገሪያ ከሆኑባቸው አገራት በአሜሪካ 51 በመቶ፣ በኢትዮጵያ 41 በመቶ ድርሻ ይይዛል።
ኔዘርላንድ፣ ናይጄሪያ፣ ካናዳ፣ በብሪታኒያ፣ ሩሲያ፣ የተባበሩት አረብ ኤምሬትስ እና ኬኒያም በቅደም ተከተል መልዕክቱ ሰፊ ታዳሚ ያገኘባቸው አገራት ናቸው።
የትናንቱ የትዊተር ዘመቻ ዋነኛ አጀንዳ ከነበረው #StopWeaponizingAid በተጨማሪ ተከታዮች ቁልፍ መፈክሮችም ከፍተኛ ሽፋን ማግኘት የቻሉ ሆነዋል።
የትዊተር ዘመቻው ተጠናክሮ መቀጠል አንዳንድ ምዕራባውያን አገሮችና ድርጅቶች በኢትዮጵያ ላይ የያዙትን የተዛባ አቋም እንዲፈትሹ እያስገደዳቸው ይገኛል ሲል ኢዜአ ዘግቧል፡፡
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!
You might also like

Leave A Reply

Your email address will not be published.